Kieslys

Close


*/

01 Maart
2006
Boeke
9449 keer gelees
(*slegs web-weergawe)

Dwelms

As daar ´n huis of ´n skool in Suid-Afrika is wat kan sê dat hulle nie dié boek dringend nodig het nie, is hulle óf baie, baie gelukkig, óf hulle leef in ´n droomwêreld. Die subtitel van die boek is “Word straatwys oor dwelms – ´n ABC vir ouers en kinders”, en dit is presies wat dit is: ´n omvattende, duidelike, maklik verstaanbare handleiding oor elke aspek van die dwelmwêreld, foto’s van die dwelms, die klassifikasie en samestellings, beskrywings van die simptome van gebruik en afhanklikheid, kort, onderhoudende gevallestudies, selfs pryse.

´n Studie deur die sielkunde departement van die Universiteit van Kaapstad, die Mediese Navorsingsraad en die Wes-Kaapse Openbare Gesondheidsprogram het die skokkende bevinding gedoen dat Kaapse Graad 11 leerlinge verlede jaar R22-miljoen aan mandrax, dagga, alkohol en sigarette bestee het. Hierdie verstommende statistiek is die rede waarom Lux Verbi.BM besluit het dat dié boek ´n absolute noodsaaklikheid is.

Nog ´n skokkende feit is dat veral jonger kinders deesdae slagoffers is – meesal omdat hulle en hul ouers nie genoegsaam ingelig is nie. Die uitgewer is oortuig daarvan dat Dwelms elke kind en ouer met kennis sal bemagtig.

Maar dis nie net vreemde middels wat mens op partytjies raakloop of op straathoeke koop wat afhanklikheid kan veroorsaak nie. Die boek kyk ook na alledaagse medisyne en huishoudelike middels wat dikwels misbruik word, omdat mense nie besef hoe gevaarlik dit kan wees nie.

Verslaafdes kla dikwels dat hulle nooit die ware feite geken het nie. En terwyl daar baie gewaarsku word dat dwelms sleg en gevaarlik is, word die gevaarlikste feit dikwels verswyg, naamlik dat die aanvanklike resultate van dwelmgebruik in die meeste gevalle lekker is – totdat die afgryslike verslawing se vernietigende uitwerking intree. “Dwelms” se boodskap is dat daar hoop is, as daar kennis is.

Die skywer, Pieter Mans van die Suid-Afrikaanse Narkotika Buro, werk reeds meer as ´n dekade intensief in die nagmerriewêreld van dwelmslawe en tree gereeld op by skole en ander instansies om noodsaaklike inligting te gee.

Dwelms word uitgegee deur Lux Verbi.BM.




Gee jou mening







Gereeld gelees

11 Julie 2010
Boeke
Verklarende Afrikaanse Woordeboek
Die Verklarende Afrikaanse Woordeboek (waarvan die eerste uitgawe reeds 70 jaar gelede verskyn het) is die handwoordeboek waarin die grootste versameling trefwoorde in Afrikaans verklaar word.
08 November 2012
Boeke
Kort grappe
Jou ma is so kort, mens ...
27 November 2010
Boeke
Die mooiste Afrikaanse liefdesgedigte
Die vierde, uitgebreide uitgawe van Die Mooiste Afrikaanse Liefdesgedigte is nou chronologies georden, sodat lesers kan sien hoe die Afrikaanse liefdesgedig oor die afgelope eeu ontwikkel het.
07 Januarie 2009
Boeke
Gedigte van Anell de Beer
Wat 'n groot voorreg om deel te kan wees, en immers ek is bevrees. Ons is almal oud genoeg, om in die more te wroeg.
24 Mei 2012
Boeke
Kort grappies
Wat is die verskil tussen ’n voël en 'n vlieg?

Onlangse kommentaar

Die Konings (drag kings) | Roekeloos
2018-10-16 08:07:07
[…] Die Konings is ’n werkswinkel kabaret wat trek uit die tradisies van drag kings, sat...
Gedigte van Fransi Nieuwoudt | Roekeloos
2018-10-12 08:22:10
[…] Digters […]...
Wat die water bring, ’n gedig deur Sheridan Walter | Roekeloos
2018-10-09 09:34:28
[…] Nog gedigte van Sheridan Walter […]...

Advertensie

Hou jy van ons hulpbronne? Oorweeg asseblief 'n donasie in Bitcoin: 179nZqSyFmYPcvu4ZU733PgXBKUYXcy9DD | Ons toets tans ’n kode om wiskundige probleme op te los met behulp van gebruikers se blaaiers; om nie afhanklik te wees van advertensies nie.