Kieslys

Close


*/

31 Desember
2017
Boeke Kuns & Ontwerp
1829 keer gelees
(*slegs web-weergawe)

Frans David Oerder. Anglo-Boereoorlogtekeninge & skilderye

Hierdie publikasie gee ’n volledige beeld van die kunstenaar Frans David Oerder (1867–1944) se oeuvre – sy Anglo-Boereoorlogtekeninge, landskappe, genrestukke, portrette, blomstudies en stillewes, interieurs, dierestudies en grafiese werk.

Geen moeite is ontsien om hierdie boek so volledig en betroubaar moontlik te maak nie. Argivale bronne in die Kunsargief van die Universiteit van Pretoria, die Argief van die Johannesburg Kunsmuseum en die Nasionale Argief van Suid-Afrika in Pretoria het grootliks bygedra tot die toevoeging van inligting oor hierdie kunstenaar wat nie voorheen bekend was nie.

Die plakboek van Gerda Oerder en ’n lang lesing met detailinligting oor Oerder se vroeë lewe deur mev. Lorimer in die Kunsargief van die Universiteit van Pretoria het bygedra tot ’n nuwe vertolking van die lewe en werk van hierdie belangrike Suid-Afrikaanse kunstenaar.

Tydens die Anglo-Boereoorlog was Oerder die enigste amptelike kunstenaar aan Boerekant, maar tot dusver is nog geen volledige geskiedenis van sy deelname aan dié oorlog geskryf nie. In hierdie boek word Oerder se Anglo-Boereoorlogtekeninge nou vir die eerste keer so volledig moontlik afgedruk en beskryf.

Die skrywer, Prof. Alex Duffey, was dosent in Kunsgeskiedenis, Museumkunde en Kunsopvoeding aan die Universiteit van Pretoria, later ook hoof van die Departement Kunsgeskiedenis. Vanaf 2004 tot en met sy aftrede in 2012 was hy Hoofkurator van die Universiteit van Pretoria se Kuns- en Erfenisversamelings. Hy is nasionaal en internasionaal bekend as een van die voorste kenners van die kunstenaars Anton van Wouw, Frans Oerder en Jacob Hendrik Pierneef, asook van Chinese keramiek en antieke handel met Suider-Afrika.

Frans David Oerder. Anglo-Boereoorlogtekeninge & skilderye / Alexander E. Duffey — Protea Boekhuis, 5 Desember 2017; sagteband. — ISBN 9781485300915

Bettie Blom,
30 Desember 2017.
2.5




Gee jou mening







Gereeld gelees

11 Julie 2010
Boeke, Kuns & Ontwerp
Verklarende Afrikaanse Woordeboek
Die Verklarende Afrikaanse Woordeboek (waarvan die eerste uitgawe reeds 70 jaar gelede verskyn het) is die handwoordeboek waarin die grootste versameling trefwoorde in Afrikaans verklaar word.
08 November 2012
Boeke, Kuns & Ontwerp
Kort grappe
Jou ma is so kort, mens ...
27 November 2010
Boeke, Kuns & Ontwerp
Die mooiste Afrikaanse liefdesgedigte
Die vierde, uitgebreide uitgawe van Die Mooiste Afrikaanse Liefdesgedigte is nou chronologies georden, sodat lesers kan sien hoe die Afrikaanse liefdesgedig oor die afgelope eeu ontwikkel het.
07 Januarie 2009
Boeke, Kuns & Ontwerp
Gedigte van Anell de Beer
Wat 'n groot voorreg om deel te kan wees, en immers ek is bevrees. Ons is almal oud genoeg, om in die more te wroeg.
24 Mei 2012
Boeke, Kuns & Ontwerp
Kort grappies
Wat is die verskil tussen ’n voël en 'n vlieg?

Onlangse kommentaar

Die Konings (drag kings) | Roekeloos
2018-10-16 08:07:07
[…] Die Konings is ’n werkswinkel kabaret wat trek uit die tradisies van drag kings, sat...
Gedigte van Fransi Nieuwoudt | Roekeloos
2018-10-12 08:22:10
[…] Digters […]...
Wat die water bring, ’n gedig deur Sheridan Walter | Roekeloos
2018-10-09 09:34:28
[…] Nog gedigte van Sheridan Walter […]...

Advertensie

Hou jy van ons hulpbronne? Oorweeg asseblief 'n donasie in Bitcoin: 179nZqSyFmYPcvu4ZU733PgXBKUYXcy9DD | Ons toets tans ’n kode om wiskundige probleme op te los met behulp van gebruikers se blaaiers; om nie afhanklik te wees van advertensies nie.