Hy het ’n barshou geskryf; ’n vooraanstaande figuur van 20ste eeuse literatuur. Dikwels roekeloos en vol aweregse humor. Wenner van beide die Pulitzer- en Man Booker Internasionale-prys. Hy is vroeër die week oorlede. Philip Roth was 85 jaar oud.

In sy 60’s, wanneer meeste van ons lui raak, het Roth ’n uitsonderlike reeks historiese romans geskryf. Onder andere die uitstekende American Pastoral (1997), waarvoor hy die Pulitzer ontvang het.

Vir die briljante en eksplisiete Portnoy’s Complaint (1969) het hy niks ontvang nie. Ironies is dit die werk wat jy gereeld vind op lyste wat die beste Engelse literatuur probeer uitwys. Alexander Portnoy was seker sy tyd vooruit. Soos baie tienerseuns behep met seks. Sy dagdrome vol seks met vrouens wat nie van sy geloof was nie; en dan moes sy bofbal-handskoen geduldig instaan. Soms selfs die aandete. So gereeld dat jy ’n leser wat so nou en dan koes nie kan kwalik neem nie.

Die lesers van die wêreld gaan Roth mis.

Lewer kommentaar

Lewer kommentaar