Roekeloos » Boeke

Incredible Tretchikoff

Roekeloos — Sun, 19 May 2013 08:52:45 +0000

Boeke

Die Russies-gebore kunstenaar Vladimir Tretchikoff se lewe is so kleurvol soos sy skilderye.

Dié boek vertel van sy ervarings as a jong spotprenttekenaar in Shanghai en Singapoer waar hy verraad en lewensgevaarlike situasies oorleef het.

Sy besigheidsin en flambojante persoonlikheid het gesorg dat hy een van Suid-Afrika se gewildste en suksesvolste kunstenaars nog geword het. Sy skildery, “Chinese Girl”, is in Maart 2013 vir bykans R14 miljoen verkoop.

Die biografie deur Boris Gorelik verskyn 22 Mei.

♦♦♦

Incredible Tretchikoff / deur Boris Gorelik — Tafelberg, 22 Mei 2013 – 320pp met 32pp fotoseksie;. — sagteband. — ISBN 9780624056775 :

R230.00

Incredible Tretchikoff

Koop / Buy Incredible Tretchikoff >> (sagteband)

Taal: Afrikaans
Sleutelwoorde: Incredible Tretchikoff, Vladimir Tretchikoff

Die SAW in die Grensoorlog 1966-1989

Roekeloos — Sun, 12 May 2013 04:25:19 +0000

Boeke

Die SAW in die Grensoorlog 1966-1989 kyk vir die eerste keer omvattend na die Suid-Afrikaanse Weermag (SAW) se rol in die Grensoorlog in Namibië en Angola.

Dit ontleed die oorsake en verloop van die konflik, asook die breër internasionale konteks waarbinne dit plaasgevind het.

Die boek bevat belangrike nuwe inligting uit dokumente wat sedert die einde van die oorlog in 1989 gedeklassifiseer is. Hieronder tel dokumente van die Staatsveiligheidsraad, die departement van buitelandse sake, die SAW en die Kubaanse en Sowjetse regerings. Dit werp lig op die Suid-Afrikaanse regering se oogmerke in sowel Angola as die destydse Suidwes, die SAW se strategie in die konflik en die oorgrensoperasies in Angola.

Leopold Scholtz het ook onderhoude gevoer met verskeie prominente oudoffisiere van die SAW en geput uit inligting uit die Kubaanse argiewe om so ’n volledig moontlike prentjie van individuele operasies te skets. Al die belangrikste operasies en veldslae van die oorlog word bespreek, waaronder Savannah, Reindeer, Sceptic, Protea en Moduler, asook die veldslae by Cassinga en Cuito Cuanavale.

Hierdie besprekings word aangevul deur aangrypende vertellings deur oudsoldate van die SAW wie se ervarings die afgelope dekade op webwerwe gepubliseer is. Scholtz kyk ook krities na die rol wat die Swapo en SAW- leierskap gespeel het.

Die skrywer vergelyk in die laaste hoofstukke die onderskeie partye, waaronder Swapo, die Angolese regering, die Kubane en die SAW se onderskeie doelwitte met die oorlog en in watter mate dit bereik is al dan nie. In die proses beantwoord Scholtz die vraag: Wie het die Grensoorlog gewen?

Die SAW in die Grensoorlog 1966-1989

Die boek verskyn eerskomende Woensdag.

Dit sal ook in Engels beskikbaar wees: The SADF in the Border War 1966-1989

♦♦♦

Die SAW in die Grensoorlog 1966-1989 / deur Leopold Scholtz — Tafelberg, 15 Mei 2013 – 544p.;. — sagteband. — ISBN 9780624054085 :

R350.00

Koop / Buy Die SAW in die Grensoorlog 1966-1989 >> (sagteband)

Taal: Afrikaans
Sleutelwoorde: Die SAW in die Grensoorlog 1966-1989, Leopold Scholtz, Suid-Afrika, Namibië, Angola

So was dit – Stories van gister en vandag

Roekeloos — Sun, 05 May 2013 04:15:18 +0000

Boeke

So was dit beskryf ’n plattelandse leefwêreld waar eenvoud en outydse waardes die botoon voer.

Die verhale is propvol enigmatiese karakters, vreemde gebeure en stofpaaie na afgeleë plase.

Die versameling aangrypende en humoristiese stories dokumenteer nie net ’n wêreld wat vinnig aan die verdwyn is nie, maar beskryf ook die menslike kondisie.

Op die oppervlak gaan dit dalk oor windpompe, skuurdanse, aande deurgebring om Aga-stowe, Boerejode in die Hantam, mooi ou motors en vakansies by die see. Maar in werklikheid spreek dit universele temas aan soos liefde, armoede, vriendskap, sterflikheid en ouerskap. Die skrywer se breë verwysingsraamwerk en wye ervaringsveld as deurwinterde joernalis voeg unieke insigte en grativas by al die verhale.

Met titels soos “’n Mooi en lekker begrafnis”, “Die Ondervelders gaan stad toe” en “Vier vryers en 13 pap wiele” is die leser verseker van ’n besonder genotvolle leeservaring.

♦♦♦

So was dit – Stories van gister en vandag
So was dit – Stories van gister en vandag / deur Johan van Wyk — Tafelberg, 23 April 2013 – 240p.;. — sagteband. — ISBN 9780624055839 :
R165.00

Koop / Buy So was dit – Stories van gister en vandag >> (sagteband)

Taal: Afrikaans
Sleutelwoorde: So was dit – Stories van gister en vandag, Tertius Kapp

As die wind kom draai

Roekeloos — Sun, 28 Apr 2013 04:37:43 +0000

Boeke

‘n Mens is die storie wat jy van jouself vertel.

Liefde is ‘n wegholvuur, en die wind is so wispelturig soos mense. As die wind kom draai is Hans du Plessis se jongste historiese roman.

Kan Vryheid, afstammeling van ’n slaaf, vir mooi Magriet Skuilhoek toe bring as dié bergland haar só beklem? Buitendien, sê haar ma: Vryheid is nie een van ons nie, dis tog wat Artikel Ses van die Burgerraad se Drie en Dertig Artikels eintlik sê. Hoe durf ‘n basterkind soos Vryheid daarteen baklei, een wat nie eers weet wie sy pa was nie? En hoe lê jy liefhê uit?

“Artikel Vier en dertig,” skree Margriet oor die osse se koppe, sodat haar pa verskrik omkyk: “Die wet van Mooidorp: jy mag nie liefhê nie!”

♦♦♦

As die wind kom draai / deur Hans du Plessis — Tafelberg, 20 April 2013 – 244p.;. — sagteband. — ISBN 9780624057468 :
R195.00

As die wind kom draai
Koop / Buy As die wind kom draai >> (sagteband)

Taal: Afrikaans
Sleutelwoorde: As die wind kom draai, Hans du Plessis

Assegais & commandos

Roekeloos — Sun, 21 Apr 2013 10:25:29 +0000

Bill Nasson, Willem Steenkamp en Trevor Emslie kyk na die oorlogsgeskiedenis van Suid-Afrika. Emslie is die uitgewer van Kommando – Van Perde en Manne deur Deneys Reitz.

Franschhoekse letterkundefees 2013

17 Mei, 11h30
Franschhoek

Rooiland – Die drama

Roekeloos — Sun, 21 Apr 2013 04:12:15 +0000

Boeke

’n Tronksel. Vier gevangenes. ’n Vloeibare, ongevormde wêreld. ’n Ritueel van bloed en offergawes. ’n Alledaagse geval van tronkgeweld wolk uit tot ’n konflik oor dinge wat van universele belang is.

Hulle’t ’n bees gesteel by die wit man Rabie. Die bees se naam was Rooiland. Hulle’t vir Rooiland geslag en feesgevier. Hulle drink uit die horings: Kilikijan die bloed, Nongoloza die gal. Toe maak hulle ’n print van die wet op die vel. Op die vel van Rooiland. Daai’s die wet. En daai wet het even survive die dag toe die hemel en die aarde geskeur het – toe Kilikijan die klipwette stukkend gegooi het en die 27’s een pad geloop het en die 28’s ’n ander pad.

Rooiland – Die drama

♦♦♦

Rooiland – Die drama / deur Tertius Kapp — Tafelberg, 11 April 2013 – 124p.;. — sagteband. — ISBN 9780624062738 :
R160.00

Koop / Buy Rooiland >> (sagteband)

Taal: Afrikaans
Sleutelwoorde: Rooiland – die drama, Tertius Kapp

Skadu’s van gister, deur Marzanne Leroux-Van der Boon

Roekeloos — Sat, 20 Apr 2013 16:49:01 +0000

Skadu’s van gister is Marzanne Leroux-Van der Boon se tweestuk wat bestaan uit Klaprose teen die wind en Soos honde van die hemel.

Vegter en Balling en C’est la Vie

Roekeloos — Fri, 19 Apr 2013 18:33:31 +0000

Vegter en Balling
Veldkornet Charles von Maltitz se merkwaardige dagboek bied ’n blik op wat gevangenes in die kampe gedurende die Anglo-Boereoorlog. Die skrywer is Chris Schoeman.

Koop / Buy Vegter en balling >> (sagteband)

Koop / Buy Vegter en balling >> (ePub formaat / DRM)

C’est la vie
Die ontwerper Lanie van Reenen het al haar spaargeld en energie in ’n kasteel in Aubusson, Frankryk ingooi.

Koop / Buy C’est la vie >> (sagteband)

Kommando – Van Perde en Manne

Roekeloos — Fri, 19 Apr 2013 10:04:26 +0000

Die oorspronklike boek, Commando, is deur Deneys Reitz in Engels geskryf deur gebruik te maak van die joernaal wat hy in 1903 in Hollands geskryf het terwyl hy in ballingskap op Madagaskar was. Die boek is in 1929 in Londen vir die eerste keer uitgegee. Die nuwe boek is ‘n fantastiese vertaling en een van die gewildste boeke oor die Tweede Vryheidsoorlog. Die boek sal te koop aangebied word by die bekendstelling.

Kommando – Van Perde en Manne deur Deneys Reitz, uitgegee deur Cederberg Uitgewers.

Cederberg Kunstefees 2013

Die Kunshuis, Clanwilliam
4 Mei, 10h00
Tydsduur: 60 minute
Kaartjies: Gratis
Besprekings: Geen

Winnie Madekizela-Mandela met kaffertjie

Roekeloos — Fri, 19 Apr 2013 08:55:30 +0000

Winnie Madikizela-Mandela

Winnie Madikizela-Mandela met Johan Engelbrecht se roman kaffertjie.

kaffertjie, wenner van die Jan Rabie/Rapport-prys vir vernuwing in Afrikaanse letterkunde is nou as eboek beskikbaar.

Koop / Buy kaffertjie >> (ePub)

Koop / Buy kaffertjie >> (sagteband)

(via Johan Engelbrecht)