Nog nooit vantevore kon gehore vyf top trefferproduksies in een week op hul voorstoep ervaar nie. Nog nooit vantevore kon gehore hul gunsteling sterre van teater, TV, rolprente, die musiekwêreld en visuele kunste van aangesig tot aangesig ontmoet en saam met hul poseer vir foto’s of ‘n glasie wyn saam drink nie.

Die keuse van vermaak is noukeurig saamgestel om elke smaak en generasie te bevredig.

Vanaf 29 Mei tot 2 Junie vanjaar, klop die hart van die kreatiewe kunste in die Jakarandastad, soos nog nooit vantevore nie. En die magiese week propvol die beste betowering geskied als onder een trotse Tshwane dak.

Die venue is die bekende, majestueuse, pas gerestoureerde luukse Aula teater, op die hoofkampus van die Universiteit Pretoria in Lynwoodweg.

Hier span die room van professionele Suid-Afrikaanse teaterlegendes en die uitstaande jong bedryfsmense saam ten bate van hul ikoniese kollegas wat weens omstandighede soos gevorderde ouderdom en ernstige siekte, nie meer professioneel kan werk nie en dus hulpbehoewend geword het.

Die TBF (Teater Bystand Fonds- ‘n geregistreerde NPO vir behoeftiges in die kunste) bied ‘n week van uitsoek vermaak – van landwye toptreffer toneelproduksies tot lokettreffer komedie, staande ovasie musiekervarings sowel as ‘n asemrowende damesdag couturier mode en musiekvertoning.

Die pas afgetrede veteraan Voorportaal hoof van die Staatsteater, die formidabele Kobus Lodewyksz, is ingespan om die Aula foyer se feestelikhede met sy ysterhand te kom beheer.

Kaartjieverkope en ander produkte se verkope is ten bate van die Teater Bystand Fonds en besprekings kan gedoen word by www.strictlytickets.com / telefoniese besprekings : 0825535901/3.
Alle kunstenaars, vervaardigers en kreatiewes wat optree, die wat as gashere en gasvroue gehore verwelkom, plekke aanwys of ander hulp bied, skenk hul dienste gratis ten bate van die Teater Bystand Fonds.

Volksbesit soos Sandra Prinsloo, Tobie Cronje, Ben Kruger, Lizz Meiring, Gert van Niekerk, Jak de Priester, Leon Gropp, Corneille Hutton Burger, Melt Sieberhagen, Hannes Brummer, gerekende violis Lizelle le Roux, asook die bekende tjellis Susan Mouton, pianis en komponis Dawid Boverhoff, visuele kunstenaar Michele Nigrini en vele meer tree op tydens die TBF Teater Ekstravanga week.

Ander volkslieflinge wat optree sluit in: Veteraan Louis van Niekerk, internasionale rolprent en teater ster Deon Lotz, die multi bekroonde akteurs – Vinette Ebrahaim, Christo Davids, Theodore Jantjies, Maurice Page, Hannes van Wyk.

Die bekende kleder van die beroemdes – Pretoria mode ontwerper Thomas Thomson, span saam met die klassieke couturier Peter Soldatos en jong opkomende talent vir ‘n mode ervaring met ‘n verskil.

Groot name uit die professionele kunstegemeenskap- bekende akteurs, sangers en vermaaklikheidsterre van sepiesterre van Villa Rosa, Isidingo, Binnelanders en Sewendelaan tot rolprentsterre , teaterlegendes, visuele kunstenaars en gewilde bekendes kom diens doen as plekaanwysers, wynskinkers en gashere. DIE KYKNET KUNSTE en glansprogram BRAVO! kom verfilm die gebeurtenisse.

Danksy die samewerking van UP kunste en Tuks Alumni verhoudinge, word die luukse foyer van die Aula omskep in ‘n karnaval van kreatiwiteit: kunswerke deur bekende kunstenaars, teater memorabilia, top wyne, sjerries , port, teatrale smulhappies en spesiaal geskepte teater blomruikertjies deur Amica Mea bloemiste word te koop aangebied.
Kom ontmoet jou eietydse ikone en geniet ‘n glas wyn, ‘n kunswerk canape en poseer vir ‘n foto saam met hulle.

Heerlike, kunssinnige smulhappies deur bekende spysenier en teaterkundige Johan van der Merwe, word ook te koop aangebied ten bate van die TBF.

Die paartjies is in ‘n voëlskuiling in die Kruger Nasionale Park as deel van ‘n voëlkykkompetisie. Die eerste prys is ‘n naweek in Mala-Mala, die tweede prys ‘n verkyker. Hoewel dié span daar is vir die Uil-toekenning. Dinge begin egter ongemaklik raak wanneer geheime van die voëlklub begin uitlek, veral die geheime van die vier.

Met: Michael Richard, Louise Saint-Claire, Bronwyn Gottwald en Russel Savadier
Regisseurs: Steven Read en Charmaine Weir-Smith
Ontwerp: Greg King
Beligting: Tina le Roux
Vervaardigers: Pieter Toerien en KickstArt

Twitch is tot 14 Julie by die Montecasino Teater, Fourways en Johannesburg. Kaartjies wissel van R100 tot R160. Bespreek by 011 511 1818

Twitch

In 2010 het die eerste verhoogproduksie van Grootseun die planke getref en oral in Suid-Afrika baie vreugde vir gehore gebring. Nou is daar goeie nuus: die tweede produksie van Grootseun – kompleet met splinternuwe stories – is nou op die planke.

Deon van Zyl vertolk die rol van Grootseun, Marion Holm het die teks vir die verhoog verwerk asook die regie behartig en Marietjie Rossouw is die vervaardiger en hanteer al die besprekings van Grootseun.

Gehore is dit eens: na jy Grootseun gesien het, stap jy uit met ‘n gelukkige gemoed en ‘n veerligte voetval, want jy sien weer kans vir dié wêreld waarin ons leef.

Met: Deon van Zyl
Regisseur: Marion Holm
Teks: Barend Vos
Verwerking: Marion Holm
Vervaardiger: Marietjie Rossouw

Deon van Zyl in Grootseun

Grootseun is op 22 Mei by Die Boer in Durbanville om 20h30. Kaartjies kos R80. Besprekings by 021 979 1911

feesVIER is ‘n kort seisoen van lesings van kontemporêre Afrikaanse dramas wat sal plaasvind in die Con Cowan Teater op die Bunting Road Kampus van die Universitiet van Johannesburg (UJ).

Volgens UJ Akademiese verteenwoordiger op die Raad, Mnr. Dewald Joubert, spreek feesVIER die rol wat Afrikaans tot op hede by UJ gespeel het aan: “Afrikaans speel vandag nog ‘n belangriker rol in die daarstelling van ons kosmopolitaanse identiteit as ‘n internasionale universiteit van keuse, geanker in Afrika. Ons nooi almal hartlik uit om saam met ons te kom feesVIER in Afrikaans!”

“Die fokus van feesVIER is die teks,” verduidelik Feesregisseur Alby Michaels. “Die gestroopte manier van voorlees is bedoel as ‘n ontwaking van die verbeelding, waar akteur en gehoorlid saam werk om verskillende wêrelde te skep.” Michaels en drie ander gas regisseurs het elkeen ‘n teks ontvang, die teks sal eenkeer vooraf gelees word met hulle akteurs en daarna sien hulle mekaar weer vir die eerste keer saam met die gehoor vir die voorlesing.

Die program is as volg:

DRIF deur Reza de Wet, 20 Mei 2013, 19:30:
Drif is vir die eerste keer in 1994 by die Grahamstadse Kunstefees opgevoer. Hierdie stuk is later in Engels vertaal as Drift en is in 1996 deur Kruik opgevoer. Dié Gotiese storie van mislukte liefde en dwase passie wentel hoofsaklik om twee plattelandse susters, Hermien en die boggelrug Sussie, met donker geheime. Wanneer Maestro die geheimsinnige towenaar en sy pragtige assistent Ezmerelda aan hulle deur klop om ’n nag onder die susters se dak deur te bring, ontrafel meer as net dié donker geheime. Drif is in 1995 genomineer vir ’n Vita-toekenning as toneelstuk van die jaar en beste produksie van ’n nuwe stuk. Reza is ook genomineer as Suid-Afrikaanse dramaturg van die jaar.

feesVier

BALLADE VIR ‘N BANGGAT deur Barry van Rensburg: 22 Mei 2013, 19:30
Tobie Cronje is vir die eerste keer in jare met ‘n eenmanvertoning op die verhoog. Ballade van ‘n Banggat is ‘n opvolg van die weghol sukses Annale van ‘n Windgat en beloof dieselfde intelligente humor en lewenswysheid. Banggat handel oor die menslike behoefte om homself te aanvaar soos wat hy is. Dit word gedoen met oor-tot-oor humor en lagbuie wat soos krale ingeryg is. Die Banggat vertrek op ‘n reis van selfontdekking en selfaanvaarding waarin hy die gehoor meesleur. Omdat dit handel oor die verskillende persoonlikhede van mense en lewenssituasies waarin ons ons almal daagliks bevind, kan elkeen identifiseer met die Banggat se stryd. Die gehoor is dan ook diep betrokke by uiteindelike ommekeer in die Banggat se lewe. Hierdie voel-goed produksie, uit die pen van Barry van Rensburg, gaan jou laat skaterlag terwyl dit hoop bring vir die Banggat en elkeen van ons.

PLOFSTOF deur Pieter Jacobs: 23 Mei 2013, 19:30
Dwelms, geweld, seks en ‘n liefdes driehoek. Dominic en Lizel is beste vriende en deel ‘n woonstel in ‘n gevaarlike buurt in Johannesburg. Wanneer al twee hul werk verloor en die opsigter hul uit die woonstel wil sit word hulle tot uiterste gedryf om die huur te probeer betaal. ‘n Nuwe loseerder, Kobus, sorg vir meer intrige en Dominic kan net nie van sy verlede ontslae raak nie. Pieter Jacobs is ‘n bekroonde dramaturg, akteur en kunste bestuurder. In 2003 het hy die KKNK Nagtegaal debuutprys vir Plofstof gewen. Hy is ook genomineer vir die internasionale Oscar Wilde-toekenning vir nuwe skryfwerk vir teater in 2008 vir sy spel Dalliances.

Kaartjie besprekings by Computicket of by UJ Kunste Sentrum gedurende werksure. Vir meer inligting kontak 011 559 3058.

Die feeprogam is daarop gemik om te fokus op Suid-Afrikaanse produksies wat vermaak, kreatief en oorspronklik is en jou laat dink.

Die hoofproduksie by die fees is die bekroonde Brothers in Blood. Ander produksies is Culture Clash en die energieke World’s Apart.

Die fees is vanaf 16 tot 25 Mei.

World’s Apart

Woensdag 26 Junie gesels hy met die baie bekende akteurspaar Wilson Dunster en Elize Cawood. Hier gaan beslis ’n paar geheime oor dié akteurspaar uitgeblaker word. Hierdie beloof om ’n insiggewende onderhoud te wees, want Wilson en Elize is gesoute akteurs wat die teater en filmwêreld goed ken.

Vrydag 28 Junie gesels Albert met Gys de Villiers wat as een van die beste Suid-Afrikaanse akteurs beskou word. Gys de Villiers is ongelooflik veelsydig en kan selfs verskeie musiekinstrumente bespeel. Albert gaan met hom gesels oor sy teaterwerk, sy filmwerk, sy inspirasies en sy produksie Wit manne se wapens wat by Innibos gedebuteer het.

Gaan luister gerus na hierdie onderhoude en leer die mens agter die karakters ken.

Met: Albert Maritz

innibos 2013

Wo. 26 Junie 17:00, Vr. 28 Junie 13:00

Divan Coetzer se skreeusnaakse nuwe “kookprogram” is ’n nostalgiese komedie wat erkenning gee aan wat agter die skerms gebeur as die krag afgaan en jou gaste kom oor ’n uur. Kom lag en kuier saam as Elsa Hitge jou leer “hoe om jou ouma se resep so op te donner dat almal dink jy is van die buiteland af …”

Divan (Elsa) gee graag een van sy of haar resepte as saamvattertjie na elke vertoning.

Met: Divan Coetzer

innibos 2013

Boma Kuierteater, Nelspruit
Wo 26 Junie 18:00, Do 27 Junie 12:00

Die 67-jarige is bekroon vir haar rol as Koningin Elizabeth II in Peter Morgan se verhoogstuk The Audience.

The Audience handel oor die koningin se verhouding met haar premiers.

Die aktrise se medester, Richard McCabe het die Olivier-toekenning vir beste ondersteunende akteur gewen.

McCabe het die rol van premier Harold Wilson vertolk.

The Curious Incident of the Dog in the Night-Time het sewe toekennings verower, insluitend die toekenning vir beste vertoning.

Die Kyk Weer Fees is ‘n inisiatief van die Klein Libertas Teater in samewerking met die Woordfees wat produksies op publieke aanvraag weer ‘n speelvak in die Boland bied.

Die mini-fees skop op 7 Mei af met ‘n propvol program toneel, woordkuns, musiek en kabaret. Van die bekendes wat weer ‘n draai kom maak, is Sandra Prinsloo, Gert Vlok Nel, Nicole Holm, Stian Bam, Elsabé Daneel, Wessel Pretorius en Waldemar Schultz om maar net ‘n paar te noem. Antoinette Kellermann sal ook te sien wees in die produksie My Mense wat sopas ‘n suksesvolle speelvak by die KKNK geniet het.

Die produksies wat aangebied word is: Oskar en die pienk tannie, Strip, Boetie dit is tyd vir bid as ‘n seekoeikoei op jou skoot kom sit, Stander, My Mense, The return of Elvis du Pisanie, Tjop en Dop, Die gewildste Afrikaanse gedigte, Gert Vlok Nel, Bittersoet, Êrens is jy, Girl van die suburbs, Hemelbesems tussen wolkekrabbers en Mijn Hoop.

Daar sal verskeie oggend-, middag- en aand-vertonings geskied sowel as vertonings op Sondag 12 en 19 Mei. Die fees eindig 25 Mei, met ‘n aand van kabarette.

Kaartjies is beskikbaar deur Computicket.

Schultz speel die polisieman/bankrower/volksheld, wat ook telkens die rolle vertolk van die cops wat hom soek, die mense wat hy beroof, sy kamerade, sy gebroke ma en talle ander.

Vermaak uit die boonste rakke – ’n groot rolverdeling val saam in een veelsydige akteur!

Met: Waldemar Schultz
Regie: Albert Maritz
Teks: Charles J. Fourie
Vervaardiger: Impresario

Kyk Weer Fees 2013

Klein Libertas Teater, Stellenbosch
7 – 25 Mei