Stuur jou resensie vir ons by

The Mummy: Tomb of the Dragon Emperor

Met: Brendan Fraser & Jet Li
Regisseur: Rob Cohen

Die eerste ding wat my opgeval het van The Mummy: Tomb of the Dragon Emperor is dat daar heelwat meer geld spandeer is as by die voorgangers. Dat mens nou so kan geld mors.

Eerstens is die akteurs hopeloos, ek het al beter vertolkings deur stokmannetjies aanskou. Brendan Fraser is al wat hier en daar wil vlam vat. Sy karakter het hom nog altyd soos 'n handskoen gepas. Ongelukkig word die fokus hier verskuif na sy seun, vertolk deur Luke Ford. Dit wil voorkom asof hulle vorentoe vir Fraser gaan vervang met Ford. Groot fout! Ek is seker daar is mummies met meer persoonlikheid as Luke Ford.

Die storie loop te veel draaie en ek kan nie onthou of daar al ooit 'n skurk was met soveel verskillende kragte nie. Dit raak half belaglik. Ten minste gaan die storie nie aan waar die ander Mummy-flieks begin het nie. Dit is 'n nuwe verhaal van 'n wrede Chinese keiser wat uit die dood verwek word. Soos dit alle skurke in flieks betaam wil hy die wêreld oorheers. Rick (Brendan Fraser) is nou heelwat ouer en dit is sy seun wat die bal aan die rol sit.

Dis darem nie alles sleg nie. Die rekenaarwerk is baie goed. Dit maak die prys van jou kaartjie die moeite werd. Ek wil amper sê jy moet die een op 'n groot skerm sien.
6 uit 10

Voorprent: The Mummy: Tomb of the Dragon Emperor ->

Flieks
A
B
C
D
E
F
G
H
I
J
K
L
M
N
O
P
Q
R
S
T
U
V
W
X
Y
Z