Stuur jou resensie vir ons by

Beowulf

Met: Anthony Hopkins, Robin Wright-Penn, Angelina Jolie & Crispin Glover
Regisseur: Robert Zemeckis

Beowulf die fliek is niks soos die boek wat ek op universiteit gelees het nie, en daai boek het beslis nie 'n poedelnaak Angelina Jolie gehad nie.

Indien jy nie die boek gelees het nie: Beowulf baklei met die monster Grendel om sy mense te beskerm en maak hom dood. Maar dan gaan staan en dink hy met sy verkeerde kop (soos ouma sou sê) en gaan maak oulik met Grendel se ma - ter versagting moet dit gesê word dat die keer lyk Grendel se ma soos Angelina Jolie.

Die animasie is iets besonders, maar die karakters se gesigte kort nog werk. Die lywe lyk reg, maar wanneer jy in hulle gesig kyk lyk hulle soos zombies.

Die teks val nie so lekker op die oor nie, maar die akteurs oortuig deur die bank met dit waarmee hulle moet werk en die eise wat hierdie vorm van rekeneaaranimasie stel.

Wat Beowulf iets besonders maak is al die verrassings wat regisseur Robert Zemeckis uit sy mou pluk. Hy neem die spesifieke genre beslis tot op 'n volgende vlak.

Die 3-D weergawe van die film is veral indrukwekkend.
8 uit 10

Voorprent: Beowulf ->

Flieks
A
B
C
D
E
F
G
H
I
J
K
L
M
N
O
P
Q
R
S
T
U
V
W
X
Y
Z