Kieslys

Close


*/

24 Augustus
2017
Gedigte
747 keer gelees
(*slegs web-weergawe)

Gedigte van Gene Crow

Stuur jou gedigte na bydraes@roekeloos.co.za Digters is ook welkom om een foto te stuur vir publisering.

 

Alles is verby

So kyk ons ‘n laaste keer na die lag van die son.
Voor die skemer se hande die hemel vermom.
Gister se soetheid vandag se suur.
Die meesterstuk kunswerk
nou net bloed teen die muur.
So kom alles tot ‘n einde
van larwe tot mot
vlerke verbrand deur die kerslig se hand,
vermink in die arms van God.
Van gister se lag tot vandag se huil,
Lewende nagmerries vir dooie drome verruil.
Alles kom tot ‘n einde,
alles is verby.
Soos water en bloed deur ons vingers gegly.

© Gene Crow 2017

Lindie tussen waterlelies

Anderkant die riete waar naaldekokers sing.
Lê ‘n spierwit engel, met ‘n goue ring.
Potblou lippies waar larwes kringe draai.
Hulle sê haar naam was Lindie, of dalk was dit Maraai.

Haar oë het eens geskitter.
Soos sonskyn op die dam.
Nou twee glas albasters.
Soos dit die dood bekwaam.

Haar vel is nou gekreukel.
Soos ongestrykte klere.
Tussen waterlelies en babers.
Sink sy weg benede.

Gene Crow © 2016

Opsoek na spoke

Ek was opsoek na jou gesig onder rotse op die bodem van die see.
Opsoek na soetheid van jou troos wat my vrae sal antwoord gee.

Nee,
jy was nie daar nie,
ek was totaal en al alleen.

Onder duine in die wreedste woestyn
waar al wat loop en leef weg kwyn,
waar die warm sand my knieë verbrand het ek na jou geroep,
tevergeefs jou hart gesoek.

Jy was ook nie daar nie.
Nie in gees of vlees of haar nie.
Ek was steeds alleen.

Toe wolke kraak soos ‘n okkerneut,
my amper versuip in God se sweet,
het ek gesmag na jou my anker,
my verlossing, my genesing van my kanker.

Nee,
Ek het jou nie daar gewaar nie,
ek was so alleen.

Toe my voete jou weer vind,
het ek gehuil soos die koudste wind en saggies op jou graf gaan lê.

My wange nat soos rose in die dou.

Gene Crow © 2017

Die vis se drome

Diep onder golwe van die onderbewussyn,
spartel daar ‘n vis aan ‘n lyn.
Heen en weer tot sy bek oop skeur.
Blind van woede,
siek van seer.
Visserman is lankal dood,
oë weggepik deur kraaie.
Bebloede arms hang oorboord,
weggevreet deur haaie.

Onder golwe van die onderbewussyn,
ruk die vis heen en weer aan die lyn.
Vas besluit om weg te swem,
om saam te sing met die see se stem.
Wyl die maanlig skyn op die pikswart water,
vreet die vis die lyn en swem al nader.
Hy droom om te vlieg,
soos ‘n uil in die nag;
om sterre te steel en saam die maanblom te lag.

Gene Crow ©
2017




Gee jou mening







Gereeld gelees

11 Julie 2010
Gedigte
Verklarende Afrikaanse Woordeboek
Die Verklarende Afrikaanse Woordeboek (waarvan die eerste uitgawe reeds 70 jaar gelede verskyn het) is die handwoordeboek waarin die grootste versameling trefwoorde in Afrikaans verklaar word.
08 November 2012
Gedigte
Kort grappe
Jou ma is so kort, mens ...
27 November 2010
Gedigte
Die mooiste Afrikaanse liefdesgedigte
Die vierde, uitgebreide uitgawe van Die Mooiste Afrikaanse Liefdesgedigte is nou chronologies georden, sodat lesers kan sien hoe die Afrikaanse liefdesgedig oor die afgelope eeu ontwikkel het.
24 Mei 2012
Gedigte
Kort grappies
Wat is die verskil tussen ’n voël en 'n vlieg?
15 November 2005
Gedigte
Spreekwoorde en waar hulle vandaan kom
Op elke nuwe blaadjie wat omgeslaan word, is daar vir nuuskierige agies interessante brokkies en stories oor hoe van Afrikaans se bekendste en minder bekende uitdrukkings ontstaan het.

Onlangse kommentaar

Gedigte van Emsa Haasbroek | Roekeloos
2017-10-13 08:09:43
[…] Digters […]...
Ryk Hattingh oorlede | Roekeloos
2017-10-10 14:56:38
[…] (Onlangs: Ryk Hattingh lees voor uit Huilboek) […]...
Ryk Hattingh oorlede | Roekeloos
2017-10-10 14:39:19
[…] Hy was die skrywer van Die tonnel, Markus vermoed ’n verhaal, Ignatius Brand, Witskr...

Advertensie

Hou jy van ons hulpbronne? Oorweeg asseblief 'n donasie in Bitcoin: 179nZqSyFmYPcvu4ZU733PgXBKUYXcy9DD | Ons toets tans ’n kode om wiskundige probleme op te los met behulp van gebruikers se blaaiers; om nie afhanklik te wees van advertensies nie.