Gedigte van Gerhard Beukes

Indeks van digters

Stuur jou gedigte na bydraes by roekeloos.co.za Digters is ook welkom om een foto te stuur vir publisering.

 

Obsessie

Huiwerend met ’n wanbegrip van tyd
Botsing van woorde wat jy nou moet pleit
Jy bly in jou lugkasteel van laslappies, seerkry en weggooi
Van paaie loop tussen wit gange van verlate
En uitgesoekte hartseer

My gevoelens ongevoelig-meedoënloos-ongenadig
Uitgeloop, gevloei soos riviere uit jou deur
Wangedrag van jou rooiwyn depressie
Wat het van ons geword?
Of bly jy maar net ’n obsessie?

Nou bly jy weg van my
Ver weg van my
En ek wag nog vir ons oomblik
“Until we meet again”

Nou vermy jy mense in wit baadjies
Jy sit aldag en praat met jou deurskynende maatjies
Jou arms al orals vol gaatjies
En nou soek jy comfort op die hoeke van sy praatjies

Tyd se paaie is krom en skeef
Jou messed-up wêreld waarin ek leef
’n Half aangeplakte lag, kaviaar en bliksem-weer
Jy’s ’n all-in-one lucky packet en nog meer

Kom gooi jou pennies in my wishing-well
En bid vir ons in die gebreekte magic spell
Nou is dit nog net jou oë wat lag
Want jou trane is klip maar, jou hart is sag

En jy bly my vermy
Ver weg van my
En ek droom nog van ons oomblik
“Until we meet again”

Nou vermy jy mense in wit baadjies
Jy sit aldag en praat met jou deurskynende maatjies
Jou arms al orals vol gaatjies
En nou soek jy comfort op die hoeke van sy praatjies
Als ’n gejaag na praatjies
Net praatjies.

Gerhard Beukes
Gerhard Beukes

 

Indeks van digters

Stuur jou gedigte na bydraes by roekeloos.co.za Digters is ook welkom om een foto te stuur vir publisering.

Lewer kommentaar

Lewer kommentaar