Kieslys

Close


*/

21 November
2011
Gedigte
3759 keer gelees
(*slegs web-weergawe)

Gedigte van Isabella Caramella

Andersins ongedeerd

Ek wou op Oudsthoorn vir jou blomme koop
iets eksoties wat baie water nodig het
witmensblomme
iets met lang stele
St Josef lelies
blomme vir ‘n bruid
wat in jou arms sou kon lê soos ‘n baba

Om die plek te kry moes ek ‘n keer terugdraai
soekend na ten minste ‘n tuisgetimmerde kruis
optimisties hoopvol op ‘n klos kunsblomme teen ‘n houtdropper
maar dit was die son en die flenters gevallende sterre
reste van jou laaste song
wat die plek weerkaats het
waar ons jou met lippe effens oop,
stowwerig wit maar andersins ongedeerd
hamer-spyker weggedra het.

Hartebeeshuis

Koop vir my ’n hyskraan en bou daarmee ’n dam
Plant ’n treurmoerbei
Bring ’n skilpad huis toe, of as dit moet ’n krimpvark in ’n boks
Ons kan hom Thómas noem

Pak perskepitte op ons kamervloer en dek die dak met riet
Roep my as jy klaar is dat ek kan kyk hoe ook dít brand
Laat die wit duif vry.

Vleg ’n tou van doringdraad
Gesel my
Was daarna jou hande
Bou ’n kerk vir ongelowiges — vir diegene wat sondig,
maar hou my vas
Vertel my wollerige stories, katstertjies, pase-hase;
en as jy gaan,
kyk eenmaal om.

terug na afsender

snags hunker ek
dwalend deur stege
en soek kranksinnig in wit kerke
ek deurkruis die Rooiplein

meneer, het jy my brief gesien
dis vir my Lief geskryf
in potlood
propvol papsagte woorde
soos perskes op draadrakke gepak
sonsoet gedroog deur ‘n ster
(sien, jy het my mooi geleer)

het niemand dan my Lief gewaar
ek roep al lank na hom
laas herfs het ek vergeefs gesmeek en selfs ‘n duif gestuur

as ander slaap

my lyf slaap tuis maar ek hoer rond
geabba deur bebaarde bikers
deur vygies oor woestyne
gelepel in molslangtreine
blind op soek na sewe soorte koud kry en al die soorte sondes
tussen Moskou en Beijing

Riemtelegram

Moenie dat die son uitvind ons konkel
as sy saans haar kop neerlê.
Ter aanskoue van die haas van kraters
hoor ek wat jou vingers sê.

Wees versigtig wat jy fluister.
Sag nou Lief, die donker luister
en vertel aan groot rooi dwerge
wat ons doen as ander slaap.

Male sonder tal

Vertel my oor en oor
en dan wil ek dit nog een maal hoor.
Acapella lang beloftes,
fluisteringe,
vertellings in ‘n nuwetaal.
Onbekend, onbeskryf, opgeneem in geen dik blou boek of Bybel.
Klanke soos my gladde klippe.
Vertel my weer en weer
van die berggans se verlore veer.

Indeks van digters

(Stuur jou gedigte na bydraes by roekeloos.co.za) Digters is ook welkom om een foto te stuur vir publisering.




1 Opinie:

Gee jou mening







Gereeld gelees

11 Julie 2010
Gedigte
Verklarende Afrikaanse Woordeboek
Die Verklarende Afrikaanse Woordeboek (waarvan die eerste uitgawe reeds 70 jaar gelede verskyn het) is die handwoordeboek waarin die grootste versameling trefwoorde in Afrikaans verklaar word.
08 November 2012
Gedigte
Kort grappe
Jou ma is so kort, mens ...
27 November 2010
Gedigte
Die mooiste Afrikaanse liefdesgedigte
Die vierde, uitgebreide uitgawe van Die Mooiste Afrikaanse Liefdesgedigte is nou chronologies georden, sodat lesers kan sien hoe die Afrikaanse liefdesgedig oor die afgelope eeu ontwikkel het.
07 Januarie 2009
Gedigte
Gedigte van Anell de Beer
Wat 'n groot voorreg om deel te kan wees, en immers ek is bevrees. Ons is almal oud genoeg, om in die more te wroeg.
24 Mei 2012
Gedigte
Kort grappies
Wat is die verskil tussen ’n voël en 'n vlieg?

Onlangse kommentaar

H L Wehr
2019-01-17 22:25:02
Definisie en betekenis die verskil...
Robert
2019-01-10 18:20:15
Kan Annarine Erasmus my groot asb kontak deur my te epos na robert.conradie91@gmail.com Dis in verb...
Robert
2019-01-10 18:11:44
Hi annarine dis Robert hoe kan ek met u kontak maak. Stuur asb virmy 'n epos na robert. conradie91@...

Advertensie

Hou jy van ons hulpbronne? Oorweeg asseblief 'n donasie in Bitcoin: 179nZqSyFmYPcvu4ZU733PgXBKUYXcy9DD