Gedigte van Marie Loots

Indeks van digters

Stuur jou gedigte na bydraes by roekeloos.co.za Digters is ook welkom om een foto te stuur vir publisering.

 

Bewustheid van jou

My masker sit gemaklik
pas soos ‘n handskoen
Stories vloei moeiteloos
om emosies weg te spoel

Maar my woorde raak steeks
as jy naby is
en ek weet
die bewustheid van jou
skuil in my oë

Ek sluit die deure dig
om jou uit te hou
my letsels toe te hou

Ek wonder hoekom jy my só raak
en ek kan jou nie vra

Ek moet baklei teen jou
want ek weet

eendag

sal dié bewustheid van jou
slegs
‘n drogbeeld
wees

Langstraat

Ek soek
al lank
na jou
tussen die blaaie
van elke boek

Volg jou op die
spoor van die skrywers
en beland in die boekwinkel
in Langstraat

Waar stofrakke vol woorde
stilweg bely
dat die vroeër jy
eens hierlangs was

Ek soek
nog steeds

na jou …

 

Indeks van digters

Stuur jou gedigte na bydraes by roekeloos.co.za Digters is ook welkom om een foto te stuur vir publisering.

Lewer kommentaar

Lewer kommentaar