Kieslys

Close


*/

02 Augustus
2017
Gedigte
616 keer gelees
(*slegs web-weergawe)

Gedigte van Marinda Badenhorst

Stuur jou gedigte na bydraes@roekeloos.co.za Digters is ook welkom om een foto te stuur vir publisering.

 

Onbekend

Op
       af
           op
                af
golwe spoel oor en oor
hoog … laag … hoog … laag
pyle wat die hart deurboor

skadu’s wat om hoekies skuil
geraamtes wat oorverdowend kraak
verskeurde hart wat droewig huil
figuur misvormend … alleen … naak

drogbeelde wat wegkruipertjie speel
rose wat tussen dorings verdwyn
elkeen vir homself … wie maak die reels
wie gaan as regter verskyn?

op
       af
           op
                af
sekondes sonder minute … dae sonder end
op
       af
           op
                af
alles onduidelik … alles so onbekend.

’n Nuwe dag

legkaart stukkies dans deur my kop
    ’n glimlag speel oor my lippe
       sonder om te stop
’n kaggelvuurtjie steek op in my bors
    ’n borrelende liefdesfontein
      les my dors

verby is die dae van een alleen wees
    verewig saam verstrengel in liggaam en gees
       verdwaalde siele het mekaar gevind
          onsigbare bande wat vir ewig bind

deur storm winde het ons bly staan
hand en hand het ons saam ons weg deur die dorings gebaan

nou dat die son in sy glorie oor die horison glimlag
is dit steeds ek en jy wat saam stap na die nuwe dag.

Niks

Oneindige niks    sonder begin    sonder end
Bodemlose put    donker geraamtes    ’n liggaam geskend
Lang benerige hande wat gryp gryp na my
Kloppende hart    wegkruipertjie    om hul te vermy

Gedagtes van gister wat koggel en tart
Hoop verlore deur jare se smart
‘n Niemand mens onsigbaar en vaal
‘n Hart wat huil    gekneus en kaal

Verlore roepe    onbekende verlange
Verdroogte trane ingeets op die wange
‘n uitgewaste pop    weg gegooi    verniel
‘n leë dop    sonder hart    sonder siel

‘n Stomme gesmeek dat dit als net kan op hou
Oneindige niks    sonder begin    sonder end

Vrou in die spieël

‘n Wegkruip hartseer in die donker poele van die siel
Strak lyne getrek deur die lewe se yster wiel
‘n vreemdeling in die wereld se oë
‘n alleen siel met skouers geboë

Ek soek na iets iets bekends aan die vrou
    ‘n herinnering van iets wat ek dalk kan onthou
       Nerens ‘n teken gebuig, misvorm, verniel
Wie is jy vrou?    Vrou in die spieel?

My oogappel, My troetelkind, die een waarin Ek behae vind
    Vir jou het Ek my Seun gestuur
       Geen prys om te betaal was vir My te duur

Ek droog jou trane, heel die seer
    Dwaal jy weg gaan haal Ek jou weer
       In My hande koester ek liefdevol jou siel
Jy is My kind. Vrou in die spieël.

Stuur jou gedigte na bydraes@roekeloos.co.za Digters is ook welkom om een foto te stuur vir publisering.




Gee jou mening







Gereeld gelees

11 Julie 2010
Gedigte
Verklarende Afrikaanse Woordeboek
Die Verklarende Afrikaanse Woordeboek (waarvan die eerste uitgawe reeds 70 jaar gelede verskyn het) is die handwoordeboek waarin die grootste versameling trefwoorde in Afrikaans verklaar word.
08 November 2012
Gedigte
Kort grappe
Jou ma is so kort, mens ...
27 November 2010
Gedigte
Die mooiste Afrikaanse liefdesgedigte
Die vierde, uitgebreide uitgawe van Die Mooiste Afrikaanse Liefdesgedigte is nou chronologies georden, sodat lesers kan sien hoe die Afrikaanse liefdesgedig oor die afgelope eeu ontwikkel het.
15 November 2005
Gedigte
Spreekwoorde en waar hulle vandaan kom
Op elke nuwe blaadjie wat omgeslaan word, is daar vir nuuskierige agies interessante brokkies en stories oor hoe van Afrikaans se bekendste en minder bekende uitdrukkings ontstaan het.
24 Mei 2012
Gedigte
Kort grappies
Wat is die verskil tussen ’n voël en 'n vlieg?

Onlangse kommentaar

Lena
2017-09-19 15:25:50
‘n Kosbare verhaal in gedigte vasgelê. Besonders mooi....
Gedigte van Driekie Beetge | Roekeloos
2017-09-19 08:57:22
[…] Digters […]...
Hilda Smits bekroon met Ingrid Jonker-prys vir poësie 2017 | Roekeloos
2017-09-14 13:30:29
[…] Van Hilda Smits se eerste gedigte het destyds by Roekeloos.co.za verskyn. Lees meer by Ged...

Advertensie

Hou jy van ons hulpbronne? Oorweeg asseblief 'n donasie in Bitcoin: 179nZqSyFmYPcvu4ZU733PgXBKUYXcy9DD