Kieslys

Close


*/

15 September
2012
Gedigte
2505 keer gelees
(*slegs web-weergawe)

Gedigte van Oom Paul

Indeks van digters

Stuur jou gedigte na bydraes [by] roekeloos.co.za Digters is ook welkom om een foto te stuur vir publisering.

 

As ek kon

Die prentjie is diep in my siel uitgekerf
Die skutsels van jou stem lê rondom my
Al wil ek my arms om my eie gebede vou
Sal die beeld nooit ‘n ander vorm kry

In die dwaalstrate van my hart …
Sien ek jou lag teen die skaduwee van my siel
Jy laat my verdwaal in my storieboek kop
Laat my toe om jou saggies te vertel
Van my pen wat aanhou skryf
Gedigte so “plane”, ek wil dit skree
En jou oor en oorvertel …
Jy gooi vlamme in my hart wat brand …
En dis OK!

 

Brief vir Karien

Karien

Jy het jou hart op my stukkend gegooi
En gesê; “Dê joune net in stukke”
Ek het nou-nog jou skerwe in my lyf
Dis diep, ek dink dis verewig
Jy het my op jou spieël geplak
Tussen die res van jou special gesigte gepak

Onthou jy die ice cream winkel by die plein?
Jy het altyd rum and maple gevra
Ek word nou nog gevat op ‘n trip as ek dit ruik
Sarel het gebel hy like die army
Jou brak is dood …
Hy het iets gevreet en toe swel hy (sorry)

Dit het lanklaas gerëen
Die gras is droog en die windpomp vasgeroes
Ons bankie onder boom is verbleik
Dra jy nog daai lelike rooi skoene?
Hoe lyk die overseas waarvan jy altyd gepraat het?

Skryf terug.

Ekke

 

Brief vir Karien

Karien
Ek wonder of weet die poskantoor …
Waar is Berlyn?
Of wil jy net van my vergeet?
Ek het foto’s gesien van die plek
Karien jy is te ordentlik vir dit

Ek het jou brak begrawe by die hek
Nou kan hy lekker onder die grond blaf
Jou kuikens het uitgebroei, al tien
Dis ‘n besturing dat die brak dood is
Anders was die kuikens begrawe

Sarel is doodgeskiet …
Hulle het hom in Angola gelos
Net sy klere en Bybel terug gestuur
Karien ek verlang na jou
Ek sweer dis die laaste keer wat ek skryf

Ekke

 

Ogies so blou

Daar staan sy, met haar blou ogies so blou
Soos die see se blou, ogies so blou
Soos die blinkster ster, ogies so blink
Soos die mooiste blou, ogies so blou

Haar loop soos Milaan se catwalks
Haar hare soos elke droom sprokie
Haar hande soos die van genesing
Haar hart op my stage gepak

Daar staan sy …
Ogies so blou
Ogies so blou
Enige mens kan net lief word vir jou

Daar staan sy, met haar ogies so blou
So so blou, dit kyk reg deur jou
Ogies so blou, so blou …
Meesterstuk, ogies so blou

 

Ek sien jou staan

Ek sien jou staan in die diepste seer
Ek wil jou uitruk terug, na die somer weer
Jy het ‘n siel van beautiful en daai genuine smile
Ek sien jou staan in my million mile

Ek sien jou staan by my legacy
Weg uit hul potency
Jy het mos daai hande,
Van solid smooth wande

Hartedief, jy steel my denke
Jy raap my op
Jy vat my sag … tog hard
Jou sigose, my deurdrenkte

 

Streng Verbode

Ek kry die gevoel die liefde is ‘n legkaart
Duisende stukke in die straatjies van Parys
Die klop van ‘n hart vol verlief
Straatskilders sit jou nooi op ‘n doek

Ek ruik die reuk van jou blomtuin
Ek onthou die mooi van die prentjie
Jy het ‘n Cat Stevens-dans in jou lag
Parys het my net verder verwar

Nooit weer mag ek sê ek is lief
Vir daai girl met die koffie addiction
Nooit weer haar soen
Daai girl met die blom gesiggie

 

Indeks van digters

Stuur jou gedigte na bydraes [by] roekeloos.co.za Digters is ook welkom om een foto te stuur vir publisering.




Gee jou mening







Gereeld gelees

11 Julie 2010
Gedigte
Verklarende Afrikaanse Woordeboek
Die Verklarende Afrikaanse Woordeboek (waarvan die eerste uitgawe reeds 70 jaar gelede verskyn het) is die handwoordeboek waarin die grootste versameling trefwoorde in Afrikaans verklaar word.
08 November 2012
Gedigte
Kort grappe
Jou ma is so kort, mens ...
27 November 2010
Gedigte
Die mooiste Afrikaanse liefdesgedigte
Die vierde, uitgebreide uitgawe van Die Mooiste Afrikaanse Liefdesgedigte is nou chronologies georden, sodat lesers kan sien hoe die Afrikaanse liefdesgedig oor die afgelope eeu ontwikkel het.
07 Januarie 2009
Gedigte
Gedigte van Anell de Beer
Wat 'n groot voorreg om deel te kan wees, en immers ek is bevrees. Ons is almal oud genoeg, om in die more te wroeg.
24 Mei 2012
Gedigte
Kort grappies
Wat is die verskil tussen ’n voël en 'n vlieg?

Onlangse kommentaar

Janet
2019-01-18 17:21:05
wat beteken kleingeestig...
H L Wehr
2019-01-17 22:25:02
Definisie en betekenis die verskil...
Robert
2019-01-10 18:20:15
Kan Annarine Erasmus my groot asb kontak deur my te epos na robert.conradie91@gmail.com Dis in verb...

Advertensie

Hou jy van ons hulpbronne? Oorweeg asseblief 'n donasie in Bitcoin: 179nZqSyFmYPcvu4ZU733PgXBKUYXcy9DD