Die gebrek aan reën het die boere in die Wes-Kaap erg geknou daai jaar. Plaaswerkers het honger gely en sommige boere kon nie anders as om te verkoop nie.

Een boer van Moorreesburg was op die punt om alles te verloor toe die oudste van sy ses dogters sê hulle moet geld bymekaarsit vir ’n treinkaartjie Johannesburg toe. Sy sal gaan werk soek en dalk genoeg kan afknyp om te help betaal aan die plaas se skuld.

’n Paar maande het verloop sonder taal of tyding van haar. Die dag voor die balju gereedskap wou opskryf daag sy op. Uitgevat in die jongste modes in ’n bloedrooi sportmotor arriveer sy op die plaas. Eerste ding haal sy ’n dik tol note uit vir pa, genoeg om die plaas te red.

“Ek hoop jy was ’n goeie meisie daar in die groot stad.” sê -vra pa.

“Pappa,” sê sy, “om ’n goeie geldjie te verdien in die groot stad moet ’n meisie goed wees.”

Lewer kommentaar

Lewer kommentaar