Die Xhosa woord “iqaba” (enkelvoud) word algemeen beskou as ’n belediging of afwykende term vir iemand wat as onbeskaafd of onkundig beskou word.

Volgens Inga Somdyala en Xhanti Zwelendaba dateer die titel van hul uitstalling, Amaqaba vol.1, terug na die 18de eeu toe Britse sendelinge die kultuur van die Xhosa-mense probeer verander het. Diegene wat hulle verset het teen die Britte het bekend gestaan as “amaqaba” vanweë die rooi oker wat hulle op hul vel gesmeer het. Die oker loop jy gereeld raak in hierdie uitstalling.

Inga Somdyala en Xhanti Zwelendaba werk in verskeie mediums en het in Amaqaba vol.1 die vryheid gehad om hul verbeelding vrye teuels te gee. Dit ondersoek die moontlikhede wat daar binne ’n bepaalde kultuur bestaan om ons identiteit te bepaal, sonder om ons in te perk.

Amaqaba vol.1 is tans by die Eclictica-galery in Kaapstad.

Lewer kommentaar

Lewer kommentaar