Die Linden Mark, een van Suid-Afrika se top tien markte, is terug vir ’n volle jaar van pret en plesier in die Botaniese Tuine van Emmarentia, Johannesburg. Hulle skop die jaar af op Saterdag die 7de April wanneer die dae effens koeler en ’n klein bietjie meer oranje is.

Vanaf die kreatiewe handwerk en die kleurvolle klanke van die musikante, tot elke kok wat jou met hul kosvernuf bederf, verseker die herfsmark jou van ’n propvol program en ’n verskeidenheid plaaslike geure. Dit bly vir hulle belangrik om die gemeenskap en die kunstenaars aan mekaar voor te stel. Dus is hulle missie om talent te ondersteun, ambagtelike tradisies te bewaar, winkelsentrums met markte te vervang, en dit alles terwyl hulle die pragtige voorstad, Linden, waardeer.

Die program spog met splinternuwe inisiatiewe en heelwat ou bekendes. Haal diep asem, nooi jou vriende en begin jou dag met ’n deeglike streksessie in oggend joga. Stap saam met een van Date-a-Dog en Claw Welsynprojekte se klein lafbekkies en raak van voor af verlief. Wikkel jou heupe en geniet Suid-Afrika se uitstekende musiektalent. As die kinders jou bekommer – daar is ’n prettige kunshoekie vir die jongelinge om hul heeldag te vermaak sodat jy kommerloos aan ’n glasie MCC kan teug. Verskeie kunstenaar en illustreerders gaan met ’n kunswerk op ’n onkonvensionele doek die dag opkikker en bydrae tot die feesatmosfeer by die Mark in die Park.

Gepraat van, hulle jaar is reeds uitgelê. Maak seker jy merk die 7de April, 30ste Junie, 29ste September en die 1ste Desember in jou kalender af sodat jy nooit op een van die feestige Saterdae sal uitmis nie.

Besoek www.thelindenmarket.com vir meer inligting.

Ns. Onthou jou R20 vir hekgeld.

Lewer kommentaar

Lewer kommentaar