Kieslys

Close


*/

10 November
2008
Musiek
2931 keer gelees
(*slegs web-weergawe)

Miriam Makeba

Miriam Makeba, of soos sy bekend was, Mama Afrika, het gister aan ‘n hartaanval beswyk. Sy was 76.

Miriam Makeba se volle name was Zenzile Makeba Qgwashu Nguvama Yiketheli Nxgowa Bantana Balomzi Xa Ufun Ubajabulisa Ubaphekeli Mbiza Yotshwala Sithi Xa Saku Qgiba Ukutja Sithathe Izitsha Sizi Khabe Singama Lawu Singama Qgwashu Singama Nqamla Nqgithi. Sy is in Johannesburg gebore in 1932.

Miriam Makeba was nie net ‘n sangeres nie, maar ook ‘n vurige kampvegter teen Apartheid. Sy is in 1963 van haar burgerskap ontneem nadat sy by die Verenigde Nasies teen die Suid-Afrikaanse regering getuig het.

Makeba se sangloopbaan het in 1950 begin saam met die Manhattan Brothers. Dit was egter eers na haar verskyning in die dokumentêr Come Back, Africa in 1959 dat sy wêreldwyd bekend geraak het. In dieselfde jaar was sy ook in die musiekblyspel King Kong saam met die bekende musikant Hugh Masekela, met wie sy later sou trou.

In 1966 het sy ‘n Grammy-toekenning ontvang vir haar album saam met Harry Belafonte, An Evening With Belafonte/Makeba (1965). Sy is ook in 2000 vir ‘n grammy benoem vir haar album Homeland (2000).

In 1974 was sy een van die kunstenaars by die Rumble in the Jungle, die bekende boksgeveg tussen Muhammad Ali en George Foreman in Zaïre (vandag die Kongo).

Miriam Makeba het ere-burgerskap van 10 lande gehad en was op ‘n tyd Guinee se verteenwoordiger by die Verenigde Nasies.

Sy is oorlede in Castel Volturno in Italië, kort na afloop van ‘n konsert ter ondersteuning van die skrywer Roberto Saviano en sy stryd teen die mafia.

Miriam Makeba

Miriam Makeba

(foto Mark Oppenheimer)




2 Opinies:

Gee jou mening







Gereeld gelees

11 Julie 2010
Musiek
Verklarende Afrikaanse Woordeboek
Die Verklarende Afrikaanse Woordeboek (waarvan die eerste uitgawe reeds 70 jaar gelede verskyn het) is die handwoordeboek waarin die grootste versameling trefwoorde in Afrikaans verklaar word.
08 November 2012
Musiek
Kort grappe
Jou ma is so kort, mens ...
27 November 2010
Musiek
Die mooiste Afrikaanse liefdesgedigte
Die vierde, uitgebreide uitgawe van Die Mooiste Afrikaanse Liefdesgedigte is nou chronologies georden, sodat lesers kan sien hoe die Afrikaanse liefdesgedig oor die afgelope eeu ontwikkel het.
24 Mei 2012
Musiek
Kort grappies
Wat is die verskil tussen ’n voël en 'n vlieg?
07 Januarie 2009
Musiek
Gedigte van Anell de Beer
Wat 'n groot voorreg om deel te kan wees, en immers ek is bevrees. Ons is almal oud genoeg, om in die more te wroeg.

Onlangse kommentaar

Roekeloos
2018-07-13 18:15:56
99% van die graderings is geoutomatiseer. Daarom begin hulle laag en styg mettertyd soos nuwe data b...
Delize Smith
2018-07-13 17:54:29

2* belaglik Was tenminste 4* Enigste kritiek was teater Klank nie so goed

...
Roekeloos
2018-07-11 13:15:11
Daar is een by die Rambler's Club in Bloemfontein van 27 tot 29 Julie....

Advertensie

Hou jy van ons hulpbronne? Oorweeg asseblief 'n donasie in Bitcoin: 179nZqSyFmYPcvu4ZU733PgXBKUYXcy9DD | Ons toets tans ’n kode om wiskundige probleme op te los met behulp van gebruikers se blaaiers; om nie afhanklik te wees van advertensies nie.