Kieslys

Close


*/

10 Julie
2010
Musiek
1996 keer gelees
(*slegs web-weergawe)

Somerset-Oos skud sy vere reg vir Biltongfees

Dit is amper tyd. Die 20ste Castle Lager Oos-Kaapse Biltongfees belowe om die winterkoue met vermaak en honderde stalletjies wat die monde sal laat water, te verdryf. Dit bied familie en vriende ook die geleentheid om saam met die Blue Crane Route munisipaliteit te kom ‘hang’ op die Somerset-Oos Skougronde.

In die geskiedkundige jaar van Afrika, vier die Biltongfees ook sy twintigste bestaansjaar met ‘n opwindende ‘spyskaart’ vir feesgangers, wat insluit: meer as 300 stalletjies met verskeidenheid produkte en versnapperinge; vermaak spesifiek vir kinders soos gesig verf, Popsie die Nar en springkastele; vir die avontuurlustiges is daar verfbal en 4X4 motorfietse – en natuurlik is daar ook emmers en emmers vol biltong, vanaf kudu, kameelperd, buffel en eland tot hoender!

Die musikale vermaak is by verre die ‘hoofgereg’ van die Biltongfees. Talentvolle kunstenaars soos Dozi en Nianell, Broers, Heinz Winckler, Nadine, Gerhard Steyn, Pieter Koen, Emo Adams, die Cape Town Happy Boys, Thys die Bosveldklong, Brandon October en Prime Circle, om net ‘n paar te noem, gaan Somerset-Oos op horings neem.

Gedurende die jaar se Biltongfees kan feesgangers ook deelneem aan die wêreld se eerste 40 kilometer ‘biltong-proënde, tequila-drinkende, beskuit-eetende’ bergfietsrit. Die pretbelaaide, gastronomiese rit vind plaas op 17 Julie, 09:00 vanaf die Somerset-Oos Vliegveld. Vir meer inligting oor die unieke aktiwiteit, kontak Marti by 082 872 2249.

Vir meer inligting oor die 20ste Castle Lager Oos-Kaapse Biltongfees kontak Marette Liddell op 082 878 6749 of besoek hul webtuiste by: www.eastcapebiltongfestival.co.za

Biltongfees 2010

Biltongfees 2010




2 Opinies:

Gee jou mening







Gereeld gelees

11 Julie 2010
Musiek
Verklarende Afrikaanse Woordeboek
Die Verklarende Afrikaanse Woordeboek (waarvan die eerste uitgawe reeds 70 jaar gelede verskyn het) is die handwoordeboek waarin die grootste versameling trefwoorde in Afrikaans verklaar word.
08 November 2012
Musiek
Kort grappe
Jou ma is so kort, mens ...
27 November 2010
Musiek
Die mooiste Afrikaanse liefdesgedigte
Die vierde, uitgebreide uitgawe van Die Mooiste Afrikaanse Liefdesgedigte is nou chronologies georden, sodat lesers kan sien hoe die Afrikaanse liefdesgedig oor die afgelope eeu ontwikkel het.
24 Mei 2012
Musiek
Kort grappies
Wat is die verskil tussen ’n voël en 'n vlieg?
07 Januarie 2009
Musiek
Gedigte van Anell de Beer
Wat 'n groot voorreg om deel te kan wees, en immers ek is bevrees. Ons is almal oud genoeg, om in die more te wroeg.

Onlangse kommentaar

Gedigte van Evanthe Schurink | Roekeloos
2018-08-17 08:25:02
[…] Digters […]...
Die kykNET-Rapport Boekpryse 2018 kortlyste | Roekeloos
2018-08-14 12:05:32
[…] spoel, SJ Naudé (Umuzi)Die wêreld van Charlie Oeng, Etienne van Heerden (Tafe...
Susan Visser
2018-08-07 11:09:00
In 2012 het RSG 3 CD's uitgegee met "Die Gewildste Afrikaanse Gedigte" . My stiefpa (85) het die kl...

Advertensie

Hou jy van ons hulpbronne? Oorweeg asseblief 'n donasie in Bitcoin: 179nZqSyFmYPcvu4ZU733PgXBKUYXcy9DD | Ons toets tans ’n kode om wiskundige probleme op te los met behulp van gebruikers se blaaiers; om nie afhanklik te wees van advertensies nie.