met 'n see briesie
wat vroetel aan
ons hare,

staan ons hand
aan hand die
skepping en bewonder

die oorweldigende grootheid daarvan maar
net
'n
krieseltjie

van ons
Liefde vir
Mekaar

'n geween in die nag
is 'n ouer se smart,

vandag nog gelag,
maar nou beangs,

pappie, mammie, as
ek doedoe is daar

'n monster wat my
wil vang,

gou kyk onder die bed,
gryp die monster en

gooi hom uit
by die hek,

slaap maar weer
rustig my kind

daardie monster sal
jou nie weer pla,

maar vir monsters
wat pappie nie kan vang,

sal oom dokter maar
moet kom haal.

een ding bly gewis
so lank ons kan

sal monsterskind
jou nie vang.

Donker nagte van verdriet
daal op ons neer
die swart bedrukkende

Stilte

Hoe gaan ons
ooit weer die lig te
siene kry, om te

Hoop

Maar ook die flou
lig van hoop kwyn gou
voor die verstikkende

Donker

Met kennis maak ons lig
en selfs dan, met mensgemaakte
feilbaarheid is daar weereens net

Swart

Vanaand het ek nodig dat
Jy vir my sê, waar om die lig te kry.
lig wat die donkerte verdryf

By Liefde

die helder vlam van Liefde
verteer die donkere,swart
duisternis

Liefde

vir mekaar, vir God, vir lewe
die allerewige, onvergaanbare

Liefde

In die stilte van die nag lê ons en wag
wag ons vir die nuwe dag wat kom

maar in die gewag word die angs
van die onbekende die vrees
van die hede

Die beweging van skadu's word spoke
van die verlede

Die geritsel van geraamtes in die
kas laat die sweet op die lyf
uitslaan soos 'n rivier in vloed

Die sug van 'n bekende langsaan
laat die angs en die spoke

verdwyn

Verdwyn die verlede in die
hede

Daardie een sug; een liefde
een geluk

verdubbel
in die gees van

samesyn.

Dja my Lanie, djy met djou fensie 4x4
die leewe is nie altyd so nice nie,

al die necessities in
life is my nie altyd beskore nie

ek vra maar net vir 'n stukkie
brood of bietjsie geld.

maar ek vat maar ieder die
geld as die brood.

koop van daai sappies
van die wingerd

dit laat mens virgiet
vannie koue en die sorge

My Krismis wish djy vra!
Nie geld of kos. Nei,

my Lanie, net bietjsie
peese. peese met die

family, peese op aarde
peese met God

Dja Jirre net bietjsie

Peese