Forum vir die bespreking en beoordeling van gedigte in hierdie afdeling. Digters Anoniem ...
Ek in droomland
Aan wie sal ek hierdie skrywe rig?
Jy sonder hart
Jy sonder verstand
Jy sonder moed
Of ek, sonder heenkome
Geagte leser;
´n duif klap sy vlerke
drie keer
en hy sweef
die weer dreun
een twee drie keer
en dit reën
Ek,
kap en kap en kap
my enkels teen mekaar,
en bly
net hier tussen sebra motiewe
en verbygaande motors
Aan wie dit mag aangaan:
daar is nie ´n towenaar nie ...
- Jansi
Laksman Waar my drome
bleek aan gister hang
het die laksman weer
my hart gevang
my gekruisig aan jou
donker oë
my onbesonne weer
die droom laat glo
- Jansi
Gedruis Dis hier iewers,
gebonde aan my siel se fraiings
uitgerafel
verkarring
weer ontbloot,
en ek soos eens -
gekruisig aan myself
verwonderd oor jou aanhoudende
geknaag
aan hierdie stilte
