Gedigte kan HIER gestuur word.

Digters Anoniem

Storms

In die klowe van Magalies,
sonder tekens van geraas.
Dra winde van verandering,
my gedagtes oor die plaas.

Net die weerlig van die storm,
gee die huis 'n silwer rand.
En ver in die donker naglig,
'n misoes mielieland.

Ek dink weer aan die dae,
toe ons soos tieners was.
Met die sterre in ons oë,
en ek jou hand houvas.

Loop die skadu's van herinnering,
oor die lemme van die gras.
En winde van verandering,
saggies teen my vas.

So onthou ek jou weer gister,
met 'n koffer in die gang.
Is ons liefde die verlede,
jou hart vir 'n ander man.

Hier sit ek saans en wonder,
wanneer sal dit ophou reën.
Dat die storms van my lewe,
die verlede daarmee heen.

Want die dag toe jy gegroet het,
en jou hart weer weg gaan gee.
Het die sonlig van my lewe,
vir die storms meegegee.

Maar gebede van 'n gister,
hou my kop bo stormreën.
En soos asem in my longe,
sal ek jou nooit vergeet.

- Johann Pietersen

Digters
A
B
C
D
E
F
G
H
I
J
K
L
M
N
O
P
R
S
T
U
V
W
Y
Z