Gedigte kan HIER gestuur word.

Digters Anoniem

My kind ek is so jammer

Ek kielie jou magie en jy kraai van die lag,
jou ogies blink en jy vertel my stories in jou twee-jaar-babbel. Jy is so onskuldig en is my mooiste mooi.
Hoe gaan ek jou eendag verduidelik hoekom ek en jy alleen is in ons huisie,
dat Mamma en Pappa nog maatjies is.
Ek wil myself vind,
uitbreek uit die hok van hartseer en eensaamheid.
My kind,
Mamma wil leer om te vlieg.

Jy is my alles, my nommer 1.
Jy gil van opgewondenheid as ek by die huis kom en my hart wil breek.
Jy soen en druk my en al my mure val plat.

Jy red my lewe,
ek sal jou eendag vertel

My kind ek is so jammer
ek stel geluk bo liefde - jy sal dit nog verstaan

Wees net van een ding seker, ek sal jou nooit laat val, ek sal jou leer vlieg

Mamma sal seker maak dat jy nooit weet hoe 'n hok van binne lyk nie.

Vir nou speel ons en raak weg in jou verbeeldingswêreld,
jy leer my nou om
vry te wees,
myself te wees,

jy gee my vrede

Digters
A
B
C
D
E
F
G
H
I
J
K
L
M
N
O
P
R
S
T
U
V
W
Y
Z