Gedigte kan HIER gestuur word.

Digters Anoniem

Salutasie aan 'n dogter-bruid

God het jou in my hand geplaas: 
'n pyl, ontvanklik, kind nog, stil, 
om hoog en suiwer mee te tref 
die hartklop van Sy wil.

En altydmaar het ek geweet 
jy sal moet gaan; as jy verjaar 
het my beklemde hart gevoel 
hoe stywer span die snaar.

Soms was die hande wat die boog 
moes vashou bewend, dom en swak, 
en het my twyfel in myself 
byna die boog laat sak.

Maar nou's ons hier, die snaar gespan 
tot breekpunt toe. Nou moet jy gaan. 
Niks wat ek nog wil sê of doen 
verander nou jou baan.

Ek maak my oë toe. Ek los. 
Jou pad skeur uit my hart na bo 
'n ligstreep deur die lewensnag. 
Ek glimlag. En ek glo.

Digters
A
B
C
D
E
F
G
H
I
J
K
L
M
N
O
P
R
S
T
U
V
W
Y
Z