Gedigte kan HIER gestuur word.

Digters Anoniem

Herdenking

sonder keer nes al die verse van weleer
word geheimenisse bekentenisse verbintenisse
getrou jaar na jaar na die oppervlak gebring
altoos so doelgerig geroep in herinnering

hier langs die kus van treurigheid
fabriseer ek somber verse in gebrokenheid
van liefhê met futiele volharding
terwyl drome glip deur gebreekte nette
nes ons datums ultimatums infinitief verstrooi
soos korrels sand uit my reddelose greep ontnap

jou spore spring die getye altyd vry
fossileer dit later in onthouding
bêre ek dit later binne my hart as kastyding

so bly jy my eb en vloei
ewig deel van alles wat uit my bloei

Digters
A
B
C
D
E
F
G
H
I
J
K
L
M
N
O
P
R
S
T
U
V
W
Y
Z