Gedigte kan HIER gestuur word.

Digters Anoniem

Ons ongebore baba

Ons het gedink dit is 'n wind
Maar toe gee God ons 'n kind
Ek kan haar voel
Waar sy in my liggaam woel

Dit is onmoontlik om te beskryf
Hoe ons ongebore kind my dryf
Haar tyd raak nou min
Dan word sy vir die wêreld gegun

Dankie liewe Heer vir ons nuwe lewe
In die begin het sy gebewe
Ons hou haar vas
Voordat ons haar gaan was

Hy het haar vir ons geleen
Hy sal haar weer vat, al dink ons dit is gemeen
Alles is syne
Al bring dit so veel pyne

O Heer, O Heer, dankie liewe Heer
U is almagtig en staan in beheer.

Smag

Het jy al gevoel jy is stoksiel alleen
Al is daar mense en sterre om jou heen

Waarna soek jy of smag jy?
Ek soek net liefde en iemand wat sy hele aandag aan my wy

Klim in my hart, en hou my vas
Ek wil jou voel soos 'n boom en sy bas

Werk, Werk

Elke dag tussen vier mure is ek besig om ander mense te verryk
Base wat oor jou skouers my toekyk
So dat jy tog nie van jou werk afwyk

Kan nie wag vir my etensuur onder die wilgertak
Ek vat my kos in 'n plastieksak
En gaan sit rustig in die park

Dit is amper toe maak tyd, ek moet vinnig dink
Wat ek vannaand op die tafel gaan laat blink
En saam met dit kan ons koue water drink

Alaml se magies grom en wil net laat los
Want mamma moet gou maak met die kos
Sodat die kinders kan uit kom uit die bos

More is nog 'n dag
Vir al die werk wat nog vir my wag
Sit ek hier uit my maag en lag

Digters
A
B
C
D
E
F
G
H
I
J
K
L
M
N
O
P
R
S
T
U
V
W
Y
Z