Gedigte kan HIER gestuur word.

Digters Anoniem

Getrouheid

ek jou vergewe?
my kniee is al deur
my lyf leeg gebloei

70 x 70 se einde
het jou ingehaal
toe jy 30 silwersikkels
geruil het vir 3 hoere

vat my knieë
en hou my lyf
Maar gee terug:
my lewe

want iewers klop nog
my hart in jou hoerhuis

LX

Die Dear Johnny-dag

die presiese datum
het ek noukeurig uit my geheue gewis
ja, die datum van daai somersdag
toe jy die dear-Johnny-kaartjie
vir my op die sideboard los
en ek wragtig kies om te lees
die kennis kry
van bly of gly

die presiese dag en datum
van daai somersdag
toe die swartryp van
vier jaar se alle winters
my hart vir jou gevries het
ja, die datum van daai swartdag
het ek nou presies vergeet

maar nou weet ek nog steeds
jy het my nodig
al kan ek niks meer vir jou nie

sorry dol, ´n anner son skyn
ek is deel van ´n nuwe dag
speel op ´n anner horison

want die presiese datum
van daai dear-Johnny dag
daai datum het ek so presies
uit my geheue gewis
ek moes gly om te bly
gly om te bly

LX

Digters
A
B
C
D
E
F
G
H
I
J
K
L
M
N
O
P
R
S
T
U
V
W
Y
Z