|
Gedigte kan HIER gestuur word.
Digters AnoniemForum vir die bespreking en beoordeling van gedigte in hierdie afdeling.
Digters Anoniem ...
Trane
Kan jy potskerwe met houtlym aanmekaarheg
Kan jy wondewerke verrig
Het jy die Vesuvius graffiti gesien teen die muur
Weet jy hoekom koppe soos blomme op 'n somersmiddag hang
Waarom die wind waai en ons so soekend sug
Oor gru stories wat nie meer in swart en wit op lamppale pryk
Nou ons gesprekke in sitkamers demp
En met koue glibberige lywe saam in jou bed inkruip
Want selfs met die mees heilige sonsopkoms
Kan 'n skerpioen vir jou wag as jy jou skoene aantrek
Jou drome soos kwartels in nette vang
- Lewe in 'n vuurdoop van chaos dompel
En die vrae wat jou tegemoetkom soos spykers na kaalvoet kinders
Hoekom?
Waarom?
Waar, kom trane vandaan?
Manie Geldenhuys
Varkhok Wenstreep
Kontemplasie, redenasie
Wenresep vir sielsgenot
Bloedsweet - druppels angs
Middernag son laat die bome bot
Verdor, verrimpel ronsyntjie liefde
Vuurdoop van wasige realiteit
Konsekwent my gedagtes
Subjektief aan my koningkryk
Lugkastele verbrokkel deur kannonne van plastiek
Huis gebou met bakstene van polisse, sekuriteit silikoon en selluliet
Verwronge idée van utopia
Slang verraad
Verwerp uit die paradys
Beskermende veiligheidsnet omring
Onmoontlik om teen heuristiese idees mee te ding
Manie Geldenhuys
Sielsgenote
My sielsgenote is versprei op die peronne van die wêreld
Verwaai deur die wind soos grassade
My hart in stukkies verdeel vir elke kontinent van die aardbol
My gevoelens oor haar is 'n klimtol
Sy is die rooiwyn in 'n glas
Plesierig volrond, gekultiveerd
Met 'n reuse hoofpyn wat wag
Gaan sit agter in die klas
Spontaan soos 'n wolkbreuk
Sag op die oog soos 'n lente dag
in die skadu van my hart
is daar net winter wat wag
Manie Geldenhuys
mammon
Puppets of the money monster
slaves to the ever grinding machine
zombies on the shoulders of giants
worshippers of credit card dreams
pray to mammon your god
kneel before the dollar king
slash your wrists on wall street blades
diamonds blind our eyes
follow the greedy leader
rats to the sea
sacrifice our children on the golden altar
silencing the lambs is complete
copper coin to the ferryman
Beggars in death we are
money makes the world go round
in the end we bear the scars
Manie Geldenhuys
Omega
Ek het vir jou ses gedigte geskryf
Hierdie is die laaste
Ek was vir 841 dae mal oor jou
Vandag is die laaste
Ek het gisteraand weer van jou gedroom
Jou naam geskree van verlange
Op dorings getrap om wakker te word
Maar dit sal nie weer gebeur
Ek is totaal en al versot op jou
Wil jou gelukkig maak
Maar hierdie komeet is vurig oppad na teespoed.
Verdof 'n warm liefdesgloed
Elke greintjie van my wêreld
Elke korrel sand op my strand is by jou elke dag.
Ek mis jou so baie
Maar dit sal my einde beteken
As ek langer vir jou wag.
Ek wens dinge was anders
Ek wens ek kon jou net 'n rukkie vashou
Hierdie ligjare met 'n tree oorsteek
in jou groot bruin oë van myself vergeet
My hart bokspring as ek aan jou dink
ek wens ek kan my voete vind
met jou hand in myne
weer gelukkig wees soos 'n kind.
My hart is gebroke
Ek voel verlore
Geluk is nie hier beskore
Ek't totaal en al soos 'n snuiter geglo
Vandag draai ek my rug
Maak toe my oë
Manie Geldenhuys
drome van gister
ek het nie jou sms'se uitgevee
my vinger wou maar my hart het bly skree nee
onderdanig probeer ek staan
'n groter plan verstaan
Ek sien jou weer in Acton town
een uit 'n miljoen op 'n peron
my Evita, Cleopatra, Delila
tien duisend skoonhede in een beeld vermom
jou hare waai in 'n aflsaankap BMW
3rde November was 'n groot tree
Saterdagaand middeleeuse koningnin.
Terwyl mense lag het my hart gesing
Dis partykeer moeilik om jou te verstaan
maar ek wil so graag weer op 'n troue met jou dans
verstaan asseblief my hele wese is gek na jou.
maar tyd en plek is nie genee om liefde te laat ontvou.
Ek het gewkyl om jou hand vas te hou -
net aan jou te raak
gedroom van jou esse en jou stem
ek wil weer laataand vir jou Nesquick maak .
Manie Geldenhuys
Vesuvius
My woede vuur my hartklop aan
Klop klop bruisend briesend
Glowe breek en rotse tuimel
Die aarde skeur onder my hart van lood
Gooi liefde genade en hoop in 'n koei-mis vuur
Als Nutteloos- Ontbranding gee ten minste hitte
In hierdie donker uur
Vergeet my in hierdie blomme tuin
Die skoenlappers met bose intensies
En die konyne vol venyn
Ek hardloop saam met my gedagtes
'n trop wolwe wat wil verslind
Doring draad van verraad laat my struikel
Jy't als weggegooi in 'n warrelwind.
Tyd sal leer
Tyd maak seer
Ek het gebid vir soveel meer
Manie Geldenhuys
Satori
Ons is die swerwer generasie
Kinders van die wind
Uitgeplant in 'n ander land
Weg van 'n afrika sonsondergang
Te vroeg gebore
Te laat geslaap
Dis lente in my hart
En winter in die Kaap
Drogbeelde maak my nie bang
Ek is hier om die son te vang
Gesoen, gekus geseen gesalf
Ek's nie op 'n soektog na 'n goue kalf
My boeie los
My kettings gebreek
Ek's 'n vlinder 'n perd 'n meer
Donker donker wat wegwyk
Ek het my geraamtes uitgesmyt
Manie Geldenhuys
Seesand en Berge
Ek het jou lippe van my venster afgewas
Jou Sms'se uitgevee
My sjokolade hart op 'n ashoop gegooi
Dis waar gebreekte toerusting hoort
Roes van tekortkominge het ek met 'n staalborsel geskrop
Padkaarte van veragtelike afstand uitgeruk
Rou veskeur gelaat
Sit ek by my besembos.
Ek het my vensters toegeverf
My lugkastele gesloop
Ek het sonskyn vaarwel geroep
En vakansie gaan hou in 'n dal van donker dieptes
Eb gety het die sand onder my voete weggespoel
Wankelrig staan ek nou
Sonder jou hand om vas te hou
En ek kyk op na die berge
Perfekte spontane skoenlapper
Bruinoog boksburg brunette
Verbrande hout is mos as
Ons het hierdie langafstand trein verpas
- Manie Geldenhuys
Weet
Ek wil so graag vir jou sê
Dat ek my hart vir jou sal gee
Op 'n silwer skinkbord en met liefde garneer
Dat ek jou nooit sal verneuk nie
En wil saamvat vir vakansies by die see.
Ek wil hê jy moet verstaan
Jy maak my mal, gelukkig en skaam
Ek wil hê dat jy in my oë moet inkyk
En sien hoe ek oor jou voel
Want dis nie altyd maklik om dit te gelyk
Ek is partykeer in my kettings en spinnerakke toegewoel
Ek is bang dat ek jou sal verveel
Bang vir iets kosbaar en breekbaar
Vreesbevang vir 'n tree in die donker
Dat ek jou hart sal beseer.
Ek wil jou elke dag by my hê
Jou hand vashou in die kerk
En aan jou dink by die werk
Jou beskerm teen pyn en leed
Ek wil he jy moet weet.
- Manie Geldenhuys
Sonskyn Paradys
Ek wens ek was simson
Met 'n verskoning as delilla my sou verlei
Sy kom saam met die reën in die lente
En bring druiwe in desember op 'n volmaan gety
Ek ontgin edelstene
En plant vrugtebome
In die tuin van goed sonder kwaad
Ek ryg rympies en melodiee aanmekaar
Van liefde sonder haat
Die donker laat my wonder
Oor die teepartytjies van die lewe
Oor die verlede en die hede
Wat het die toekoms vir ons afgemaat
'n spookskip oor die water
Word deur winde van verandering aangedryf
Om in sonvervulde lande
Na uitgestrekte hande
In my arms in te seil
- Manie Geldenhuys
Boksburg Brunette
Ek hoor haar stem oor 'n Telkomlyn
Sy bel van ver, van Ealing broadway
Haar stem lag, haar oë glinster
Sy praat van more en van gister
Sy steek 'n kers aan van hoop
Die branders breek en die koegels koop
Ek wonder of ek myself misreken
Of is dit dalk 'n toegeeteken
Ek lees briewe van 'n jaar gelede
Koekies en koffie, is dit genoeg rede?
Is sy stroopsoet of is sy stout?
Die winde waai, en my koffie raak koud
Sy hou nie daarvan as ek dronk ringkink
Miskien moet ek minder doppe skink
Is sy net homesick en verward?
Sy kan deel word van murg en hart
Ons is ver vanmekaar, Ek bou 'n brug
Is sy 'n sprokie wat wag in Boksburg?
- Manie Geldenhuys
Staal
Ek is moeg van kakpraat, soentjies blaas gelukkig maak
Babatreetjies om die draak
Geloofsdenke martelgeskenke
Steek my dwars steek my in my kwaad
Lee holruggeryde lugkasteel woorde
Verdoesel dissels en dorings van my haat
Vir hierdie myndorp nesskop mentaliteit
Die kastrasie van my beleid
Ons is lankal dood voor ons die ouetehuis se drumpel oorsteek
'n selfmoord wapen van eenvoud repetisie
Kenne na die lig, voete gegrond in tradisie
Staan voor die aantuigende gluur uitgetrek, kaal
My hart is vlekvrye staal
- Manie Geldenhuys
| 
