|
Gedigte kan HIER gestuur word.
Digters AnoniemForum vir die bespreking en beoordeling van gedigte in hierdie afdeling.
Digters Anoniem ...
Skrikbewind op Aberdeen
kleinburgerlike vername gaste van die platteland
trek saam na die markplein in die klein karoo
om agter gemanikuurde hande
en bybels
´n oordeel te fel oor dit
ver op die horison van
weet en ken
Sonja Strydom
22/05/2002
Prysgeld: Ewige Lewe
geagte leraar van
die ancien regime
jou kleipot het rebels
besluit om die
voortrekkerkappie
en vieslike sisrok
te verruil vir
mekka, sikhisme,
boom, droom (/)
en die wit perd
om te kyk of jy
steeds die lotto
sal wen
Sonja Strydom
22/05/2002
1994
met oorgangstyd
het kommunis,
sosialis, liberalis
alles op die
brandstapel geoffer
vir vryheid;
enigmaties, dromerige,
sentimentele,
deerniswekkende
droom van kinders..
Sonja Strydom
19/05/2002
Tuiskoms
groot staalvoël het
sy voelers langsaam
uitgestrek op die
rug van die skelblou
kaap
sodat die verlore skaap
van die onbegrensde grysheid
die son druppend
uit die beker van
afrika
kom slurp
Sonja Strydom
15/06/2002
Nurmburg Verhore
stukkende lywe
opeengehoop na
vele winters, vuur,
aantygings en
moord
koggel my witte vel
uit afrika
ek met die witbrood
in die hand
word geja(a)g deur
dachau
Sonja Strydom
15/06/2002
Post-Koloniale Gouddelwers
victoriaans aaneengeryg
kleur die blinkteerpad
van london se
hartklop wanneer die
karoo son en vrystaat-geel
lig aansteek in
koue oe
van die kinders
uit afrika
Sonja Strydom
Droom van Koplesers
frankl praat van
blou lug buite
die doringdraad
rogers moedig die
siel aan tot
groter en beter
maslow se geloof
steek vas by
basiese behoeftes
freud word geterg
deur fantasie en droom
v
en ek wil maar net
- normaal wees
Sonja Strydom
| 
