Engele om ons

'n Mens moet baie talentvol wees om sukses te behaal as sanger, liedjieskrywer en akteur. Steve Hofmeyr is een van daardie uitsonderlike presteerders. en hy´s veel meer as dit. Na meer as 'n dekade in die kollig en met albumverkope van byna 'n half-miljoen, is daar geen keer aan Steve nie.

Hy is sonder twyfel een van die hard-werkendste en mees kreatiewe kunstenaars in Suid-Afrika - as hy nie sing en optree nie, speel hy toneel en wanneer die akteur rus, neem die skywer en die digter oor.

Maar musiek bly sy grootste liefde. Een-honderd-en-vyftig liedjies wat hy self geskryf het is al deur homself en talle ander plaaslike en internasionale kunstenaars opgeneem.

Engele Om Ons is Steve se 14de CD in sy blink musiekloopbaan en sy eerste ateljee-album in drie jaar. Van sy vorige CD Beatutiful Noise is meer as 75 000 eenhede verkoop.

Sy jongste aanbieding sluit sy weergawe in van die Joe Cocker-treffer "When the Night Comes" wat in Afrikaans vertaal is en nou "Wie Sal?" heet, sowel as die Stef Bos-treffer "Papa" en Bryan Adams se "Summer Of '69". Steve sê dis sy beste cd nog en die tema van engele is oral op die album te bespeur. Hy sê mens soek na die engel, maar jy kry net die veer.

Gaskunstenaars op die CD is Luv U So op "How 'Bout I Let You Go" en Wonderboom op "Wordworth's Dream".

Engele Om Ons is opgedra aan die ongebore seun wat hy en sy vrou, die Egoli-aktrise Natasha Sutherland op 4 Desember verwag.

Engele om ons word uitgereik deur EMI.
Koop/Buy Engele om ons...

Musiek
A
B
C
D
E
F
G
H
I
J
K
L
M
N
O
P
R
S
T
U
V
W
Z
MUSIEKVIDEOS