Afrikaanse spreekwoorde en uitdrukkings – O

A | B | C | D | E | F | G | H | I | J | K | L | M | N | O | P | R | S | T | U | V | W | Y

oefening

Oefening baar kuns. (Practice makes perfect.)

omdraai

Toe Jors sy eks sien by die kroegtoonbank spring hy knipmes-om. (vinnig omdraai)

omslagtig

Hy gaan met aasdieromslagtigheid te werk.

omstandighede

Blom waar jy geplant is!

onaangenaamheid

Iemand staar iets in die gesig. (onaangenaamheid lê iemand voor)

onbelangrik

Dit kom nie daarop aan nie. (dit maak nie saak nie)

onbereikbaar

Die vêrste berge is die blouste. (onbereikbare dinge lyk altyd aantreklik) (Distance lends enchantment to the view.)

onbeskof

Van ’n donkie kan jy ’n skop verwag. (van ’n onbeskofte persoon kan jy slegte behandeling verwag) (You should expect a kick from a donkey.)

onbetroubaar

Iemand sê aand- en môrepraatjies stem nie ooreen nie. (Someone changes his/her tune.)

onbevooroordeeld

Sonder aansien des persoons. (sonder om onderskeid te tref tussen mense) (Without fear or favour.)

onduidelik

Hy loop in sirkels soos ‘n mal hond.
(Erika)

ongeduld

Ek is so ongeduldig, soos ‘n hoer met ‘n baba.
(Moonlite)

ongeletterd

Nie ’n A van ’n B ken nie. (Not know A from B.)

ongelukkig

Ek sweer ek is so ongelukkig, as dit sou heuning reën, sal ‘n bol kak my tref.
(Pietman)

ongemaklik

Voel soos ’n kraai met pouvere. (To feel out of place. / To feel ill at ease.)

ongeleerd

Eendag as die leeubekkies brul. (Once in a blue moon.)

Wanneer ’n eier ‘n hen lê. (Once in a blue moon.)

ongesteld

Ek voel bietjie kop-onder-die-vlerk.

onkant

Hy is met sy broek op sy enkels betrap. (Hy is onkant gevang.)

onkunde

Jy lyk ’n mooi aap. (jy sal dit nie regkry nie)

So min van iets weet soos ’n aap van godsdiens. (niks van ’n saak weet nie)

Van die hele moord niks weet nie. (weet niks van die saak nie) (To be quite ignorant of the whole affair.)

onmoontlik

Water in ’n mandjie probeer dra. (die onmoontlike probeer doen) (To try to carry water in a sieve.)

onnodig

Dit kom nie daarop aan nie. (dit is onnodig)

onopgevoed

Jy is so skurf mens kan kaas met jou rasper.
(Johan)

onregverdig

Hy is maar onder die belt. (sy gedrag word gekenmerk deur onregverdigheid / hy is van ’n lae klas)

onsamehangend

Die ding lyk maar tonteldoek. (onsamehangend – so praat hulle in die noorde van Suid-Afrika)

onseker

Dis nog nie aand nie. (dinge kan nog skeefloop) (Don’t bless the day before it is over. / There’s many a slip ‘twixt the cup and the lip.)

Nie weet waar jy aan of af is nie. (Not know whether one is coming or going.)

onsinnigheid

Dié kaf kan jy op ’n ander mark gaan verkoop. (hou nie van jou onsinnige praatjies nie)

onsmaaklik

As jy aas roer, stink dit. (moenie jou met onsmaaklike sake bemoei nie)

onthou

Dis wanneer ons onsself vergeet dat ons dinge doen wat verdien om onthou te word.

ontspan

Klim uit die streskas! (ontspan)

ontuis

Hy lyk so uit soos ’n verdwaalde poep in ‘n sak spykers.
(Chris)

ontwikkel

Die mos begin werk. (die saak ontwikkel) (Matter are coming to a head; things are beginning to hum.)

onverklaarbaar

‘n Hond word kwaad as jy in sy gesig blaas, maar hy steek sy kop by die motorvenster uit.

onverwags

Hy het hier aangewaai gekom. (onverwags opgedaag)

onvriendelik

Iemand skeef aankyk. (iemand met afkeer aankyk) (Look down your nose at someone.)

oog

Jou oë blink soos nat beesmis in die maanlig.
(Hendrik)

Vandag voel my oë soos ganspoepholle in paartyd.
(Magda Landsberg)

Waterige ogies soos ’n hartseer fonteinpadda.
(Andre)

ooglopend

Jy kyk al weer in jou ooglede vas. (sien nie die ooglopende nie) (You are not keeping your eyes open.)

oordryf

Moenie die dam onder die eend uitruk nie.
(Meermin)

oorskat

Hy probeer hoër vlieg as wat sy vlerke lank is. (hy oorskat homself)

oortref

Sy maters is klein dood. (hy oortref almal) (There is nobody quite like him; he has no match.)

opbring

Jongosse inspan.

opdaag

Êrens aangewaai kom. (onverwags opdaag)

opgewonde

Ek is nou so opgewonde soos ‘n budgie op steroids.
(Boetman)

ophef

Veel geskreeu en weinig wol. (ophef oor iets kleins maak)

opinie

As ek jou opinie wou gehad het, sou ek dit vir jou gegee het.
(Kwagga)

optimisties

Daar is nog koring in Egipte. (moenie moedeloos raak nie, dinge sal verbeter) (Beter times wil come; all is not lost.)

ordentlik

Moenie die slagoffer van jou eie ordentlikheid wees nie.
(Simon)

ore

Mens kan mielies in sy ore plant. (ore is baie vuil)

ouderdom

Mag jy so oud raak dat die vlooie in jou plooie begin nesmaak.
(Janie)

Oudword is nie vir sissies nie.

Sy is so oud haar tiete lyk soos ‘n 1940 Ford se mudflaps.
(Cindy van Huyssteen)

Wat jong is, speel graag – wat oud is, neul graag. (kinders hou daarvan om te speel en oumense om te kla)

ouderwets

Uit die oude doos. (Out of date.)

ouer

Al is die ouer hoe arm, hy dek tog warm. (enige ware ouer sorg vir sy kinders)

oujongnooi

Bokwagter word. (oujongnooi word)

Stuur asseblief enige Afrikaanse spreekwoorde, gesegdes, uitdrukkings en ander sêgoed aan bydraes@roekeloos.co.za.

A | B | C | D | E | F | G | H | I | J | K | L | M | N | O | P | R | S | T | U | V | W | Y