Die Fiestas-nominasies word gekies uit produksies wat tydens 2011 op die planke gebring is by kunstefeeste landswyd. Wenners uit die 16 kategorieё asook drie Lewensbydraes sal bekendgestel word tydens ‘n glansproduksie waar kategoriewenners die verhoog sal deel met van die land se beste kunstenaars. Hierdie jaar word die Fiestas, wat reeds beskryf word as die Oscars van die Afrikaanse teaterbedryf, op 23 Februarie 2012 in die Kunstekaap aangebied en beloof om ‘n feestelike extravaganza te wees.

Karen Meiring, kanaalhoof van kykNET, sê vanjaar se nominasies is weereens van hoogstaande gehalte: “Feeste het die tuiste van die Afrikaanse teaterbedryf geword. Hulle verteenwoordig ‘n bymekaarkoms en viering van die Afrikaanse kultuur, en daarom wil kykNET graag erkenning gee aan kunstenaars vir uitnemende werk. Die Fiestas is ‘n skaamtelose vertoonvenster om die stand, talent en toekoms van Afrikaans te vier, maar dit is ook ‘n klop op die skouer vir élke fees en élke kunstenaar wat ons vermaak en raak met hul talent.”

Meiring verduidelik dat die verskillende feeste nominasies mag maak vir die verskillende Fiestas-kategorieë uit produksies wat by hul fees gedebuteer het in 2011. Die nominasies word dan aan ‘n onafhanklike beoordeelaarspaneel wat al die feeste en produksies bygewoon het voorgelê, wat deur middel van stemming besluit wie die finale vyf genomineerdes, asook die wenners in elke kategorie sal wees.

Kykers het egter ook die geleentheid om vir twee kategorieë te stem om sodoende 2011 se Gewildste Fiësta Aanbieder asook die jaar se Gewildste Fees te kies. Die wenners in hierdie kategorieë sal deur ‘n SMS-stemming by http://kyknet.dstv.com/2012/01/16/fiestas-stem-nou/ bepaal word, en die publiek het tot 31 Januarie 2012 om vir hierdie gewildheidspryse te stem. Nominasies vir Gewildste Fiesta Aanbieder is Andries Vermeulen, Bobby van Jaarsveld, Erik de Milander, Wicus van der Merwe en Willem Botha. Die Gewildste Fees nominasies is Aardklop, Innibos, KKNK, Huisgenoot Skouspel en Woordfees.

Die 2012 kykNET Fiestas nominasies vir produksies wat by feeste gedebuteer het tydens die 2011 Feesjaar (Januarie tot Oktober 2011) is:

BESTE AKTEUR
Brendon Daniels (Rooiland)
Charlton George (Rooiland)
Gerben Kamper (‘n Lewe in die Teater)
Deon Lotz (Agterplaas)
Neels van Jaarsveld (Die Kaptein se Tier)

BESTE AKTRISE
Vinette Ebrahim (My naam /name is Ellen Pakkies)
Antoinette Kellermann (Klaasvakie)
Wilna Snyman (Klaasvakie)
Anthea Thompson (Mooi Maria)
Isadora Verwey (Mooi Maria)

BESTE BYSPELER
Brendon Daniels (Lot)
Albert Pretorius (Messe in Henne)
Francois Toerien (Oom Anton by die see)
Neels van Jaarsveld (Lot)
Neels van Jaarsveld (Mooi Maria)

BESTE BYSPEELSTER
Bronwyn van Graan (Lot)
Tinarie van Wyk Loots (Lot)
Esther von Waltsleben (Agterplaas)
Annelise Weiland (Die see)
Deidre Wolhuter (Agterplaas)

BESTE REGIE
Marthinus Basson (‘n Lewe in die Teater)
Jaco Bouwer (Rooiland)
Charles Fourie (Agterplaas)
Nicola Hanekom (Lot)
Albert Maritz (Mooi Maria)

BESTE TEATERONTWERP
Marthinus Basson (‘n Lewe in die Teater)
Jaco Bouwer (lig)
Jaco Bouwer (Rooiland)
Nicola Hanekom (Lot)
Craig Leo (Der Fliegende Hollander)

BESTE PRESTASIE IN ‘N MUSIEKGEDREWE PRODUKSIE
Chris Chameleon (Klank van jou oë)
David Kramer (Kramer se Karoo)
Karen Zoid (Malaika / My Engel)

BESTE SPEL IN ‘N SOLO-VERTONING
Marion Holm (holm@iafrica.com)
Shimmy Isaacs (Howzit my bra!)
Coba-Maryn Wilsenach (Medea)

BESTE NUUTGESKEPTE AFRIKAANSE OPVOERING
Agterplaas
Bullets over Bishop Lavis
Hel op Hemel-en-Aarde
Lot
Rooiland

BESTE OPKOMENDE KUNSTENAAR
Gustav Gerdener (Wees)
Shimmy Isaacs (Howzit my bra!)
Tertius Kapp (Rooiland)
Megan-Geoffrey Prins (SOF Klassiek)
Wilhelm van der Walt (Rooiland)

BESTE PRESTASIE IN KLASSIEKE MUSIEK
Nkosazana Dimande (Der Fliegende Hollander)
Zanta Hofmeyr (Beethoven Op. 18 Strykkwartet)
Magdalene Minnaar (Vuurvoël)
Ben Schoeman (Uitvoering van Franz Liszt)
Tygerberg Kinderkoor

BESTE PRESTASIE IN DANSTEATER
Flicker (regie deur Gerard Bester)
Dawn Langdown (Mense van Mense – choreografie)
Die Namjive-dansgeselskap (Mense van Mense)
Proximity, Loss and Hearing (regie deur Nicola Elliot)

BESTE PRESTASIE IN VISUELE KUNS
Serge Alain Nitegeka (… and walk in my shoes)
Hannelie Taute (Skeidingsangs)
Frank van Reenen (Die langnaweek)
Diane Victor (Innibos Feeskunstenaar)
Diane Victor (KKNK Uitstallings op verskillende plekke)

BESTE AANBIEDING
Agterplaas
Der Fliegende Hollander
‘n Lewe in die Teater
Lot
Rooiland

Die kykNET Fiestas toekenningsaand vind plaas op 23 Februarie 2012 om 19:30 by die Kunstekaap in Kaapstad. Kaartjies is beskikbaar by Computicket teen R120. ‘n Spesiale uitsending van die Fiestas-toekenningsaand sal ook op Donderdag 1 Maart 19:30 uitgesaai word op kykNET kanaal 111 op DSTV.

Fiestas

Die dramaturg Tertius Kapp se Rooiland het die AngloGold Ashanti/Aardklop-Smeltkroesprys gewen vir die beste nuwe Afrikaanse teks wat by Aardklop debuteer. Volgens die paneel is dit “ ’n onversetlike teks wat hard slaan, terwyl die gebruik van die taal outentiek is vir die milieu waarin dit afspeel. Dit is nie net ’n tronkdrama nie, maar ’n mensdrama”. Kapp wen R30 000. Hy kry ook ’n verdere R20 000 om ’n nuwe teks vir Clover Aardklop te skep vir 2012 en R38 000 word bewillig as saadgeld om die teks lewe te gee op die planke.

Jaco Bouwer het die Beeld-Aartvarkprys gewen vir grensverskuiwende werk met lig wat by Aardklop gedebuteer het. Die prysgeld beloop R20 000 en die wenner het ook ’n beeld van Sybrand Wiechers, wat spesiaal vir die prys geskep word, gewen. Bouwer word bekroon vir sy oorgang van akteur en regisseur na installasie-kunstenaar waar hy sy gehoor deur sy kop en skeppingsproses laat reis tussen kuns en wetenskap; lig en donker.

’n Nuwe prys, die Clover Soveel Beter-prys van R25 000 vir die beste aanbieding in welke genre ook al, het gegaan aan … miskien. Die paneel meen dit is “ ’n eerlike en aangrypende eietydse drama. Dit verken menslike intimiteit op ’n klein skaal, maar ontroer met verbysterende slaankrag”.

Die AngloGold Ashanti Fyngoud-prys vir die beste Afrikaanse aanbieding ter waarde van R10 000 is gewen deur Mooi Maria. Volgens die paneel moet die regisseur Albert Maritz geloof word vir sy artistieke visie wat nuwe betekenisvlakke van Pieter Fourie se klassieke teks ontgin het. “Dit is in alle aspekte ’n gehalte-produksie met besondere ensemble-spel”.

Die Absa-prys vir beste akteur en aktrise (van R10 000 elk) is onderskeidelik toegeken aan Brendon Daniels vir sy spel as Adidas in Rooiland en aan Anthea Thompson vir die titelrol in Mooi Maria.

Rooiland

Die veelsydigheid van Daniels se vertolking van Adidas het beïndruk – die vreesaanjaende dierlikheid van die karakter, sowel as die kruiperige onderdanigheid as die magsposisie omgeswaai word. Thompson se naturalistiese benadering in die uitbeelding van die gestremde Maria het ontroer. “Thompson word Mooi Maria. Sy is nie ’n aktrise wat probeer om ’n gestremde karakter te speel nie.”

Die Clover Mama Afrika-prys van R5 000 vir die beste gemeenskapskunstenaar of -groep is toegeken aan Ikageng Billy Cosby Cultural Group – ’n groep wat nie net hul kulturele erfenis op kreatiewe wyse uitleef nie, maar nou betrokke is by gemeenskapwerk onder weeskinders en vigs-wesies.

Die Burgemeesterprys vir die Gewildste Produksie ter waarde van R5 000 is gewen deur Janneman.

Die totale bedrag aan prysgeld wat vanjaar by die Clover Aardklop Nasionale Kunstefees toegeken is, beloop R173 000.

Addendum
Benoemdes vir die Beeld Aartvark-prys vir grensverskuiwende werk
Jaco Bouwer vir lig
Chris Chameleon vir die bindingsteks van Chris Chameleon: Klank van jou oë
Rina Stutzer vir haar uitstalling Die opbou van afbreek

Benoemdes vir die Clover Soveel Beter-prys vir die beste aanbieding
… miskien
Mooi Maria
Chris Chameleon: Klank van jou oë

Benoemdes vir die AngloGold Ashanti Fyngoud-prys vir die beste Afrikaanse aanbieding
Mooi Maria
Rooiland
Lot

Benoemdes vir die Absa-prys vir die beste akteur
Brendon Daniels vir Rooiland
Charlton George vir Rooiland
Albert Pretorius en Gideon Lombard gesamentlik vir … miskien

Benoemdes vir die Absa-prys vir die beste aktrise
Anthea Thompson vir Mooi Maria
Isadora Verwey vir Mooi Maria
Franci Swanepoel vir Janneman

Dit kan jou laat dans, huil, lag en jou hart op ver paaie neem. Kombineer dit met die mooi van ons Afrikaanse taal en jy kan verseker wees van ’n musikale reis wat jou lank sal bybly.

Met lirieke uit die pen van Lize Beekman, die sielvolle vioolspel van Annake de Villiers en die sensitiewe perkussiespel van David Klassen.

Première.

Aardklop 2011

Hoër Volkskool, Potchefstroom – 70 min. – R100.
7 Okt. – 19:00, 8 Okt. – 10:00

Om seker te maak dat jy voorbereid is, is daar ’n paar nuttige wenke vir feesgangers om die feeservaring nog aangenamer te maak.

• Koop sommer met die intrapslag ’n feesgids (beskikbaar teen ’n skamele R30). Dit is nie net ’n herhaling van die brosjure nie. Dit bevat rolverdelings sodat jy kan weet wie is wie en in die geval van klassieke uitvoerings die volledige programme.
• Die volledige program van die Rapport Boeke-oase en die Beeld Diskoersreeks verskyn ook in die feesgids. Gaan loer gerus. Dit is ’n ideale manier om ’n gaatjie te vul en dit is boonop gratis.
• Bestudeer die kaart van Potchefstroom en die Puk-kampus (agter in die feesgids) noukeurig. Maak seker dat jy genoeg tyd inruim om van een produksie na die ander te kom. Dit is wenslik om ’n wye draai om die Aardklop-sone rondom die feesterrein te ry (duidelik gemerk op die kaart) – so vermy jy verkeersknope.
• Moenie onwettig parkeer nie. Dit veroorsaak versperrings en mag dalk net daartoe lei dat jou motor geskut word. Amptelike parkeerterreine word op die kaart aangedui. Of nog beter – maak gebruik van die pendeldiens (by die Computicket-kaartjieskantoor in Borcherdstraat oorkant Dingo’s se fietswinkel). Op dié manier ondersteun jy ook die plaaslike gemeenskap. Dit is boonop ’n wonderlike geleentheid om te hoor wat medefeesgangers as die beste produksies beskou.
• Maak seker dat jy genoeg vitamiene (en kopseerpille) saambring. Die fees kan nogal sy tol eis.
• Pak iets warms in. Vroegoggend en later in die aand kan dit nogal koelerig wees in Potchefstroom. Hou die baadjie of trui sommer in die motor se kattebak om seker te maak dat dit byderhand is wanneer jy dit nodig kry.
• Diegene wat nog nie kaartjies bespreek nie, kan gerus die spesiale pakkette ondersoek wat in verskillende genres aangebied word. Daar is ook ’n pakket vir die feesterrein vir die vyf dae teen R90 vir volwassenes en R40 vir kinders. Toegang vir kinders onder ses is gratis.
• Wees waagmoedig. Bespreek ’n kaartjie vir ’n produksie wat jy nie normaalweg sal kies nie. Jy mag dalk net aangenaam verras wees.
• En behou jou humorsin. Dit is immers ’n feestelike geleentheid waar almal byeenkom om die uitvoerende kunste te beleef en in goeie gees saam te kuier.

Aardklop

* Die Clover Aardklop Nasionale Kunstefees word van 4 tot 9 Oktober in Potchefstroom aangebied. Kaartjies is beskikbaar by Computicket.

Dit staan in skrille kontras met die klanke van klassieke meesters soos Mozart, Beethoven en Bach. Maar dié uiteenlopende musiekgenres word gekombineer in ’n opwindende musiekervaring onder leiding van pianis Charl du Plessis as verwerker en musiekregisseur. Violis Lizelle le Roux en ’n orkes tower die klanke op.

Voeg daarby dansers, met choreografie deur Esther Nasser, en jy het ’n eiesoortige vertoning soos min.

Ook met Zanne Stapelberg en Joseph Clark.

Aardklop 2011

Amfiteater, Potchefstroom – 90 min. – R130. 8 Okt. – 20:30

(Stuur enige resensies of bydraes na bydraes by roekeloos.co.za)

Charl du Plessis

Akoesties en ongekompliseerd, maar altyd met ’n kinkel. In ’n gesprek tussen klavier en viool speel die twee musikante dié mooi liedjies, verwerk deur Rocco de Villiers.

Aardklop 2011

kykNET Konservatorium, Potchefstroom – 70 min. – R90.
4 Okt. – 13:00, 5 Okt. – 17:00, 6 Okt. –10:00, 7 Okt. – 17:00, 8 Okt. – 13:00

Buiten vir die geleentheid om te luister na kundiges wat gesels oor aktuele sake sal gehoorlede ook ’n kans kry om deel
te neem deur vrae te vra. Die oorkoepelende tema van vanjaar se Diskoers-reeks is identiteit in die hedendaagse Suid-Afrika. Die vraag is of dit nie te eng binne groepsverband gedefinieer word nie.

Die vier onderskeie gesprek-ke sal feesgangers uitdaag om met nuwe oë na dié onderwerp te kyk.

Aardklop 2011

Rapport Boeke-oase, Potchefstroom – 90 min. – Gratis.
5 tot 8 Oktober – 08:30

Hertzogpryswenner Deon Opperman en musieklegende Janine Neethling het albei, sonder om twee keer te dink, “ja” gesê. En so trek die gedugte span toe saam om Binnekamer te skep. Drie besonderse teatermense, een besonderse ver-toning.

Geskep en geskryf deur Deon Opperman.
Lirieke deur Deon Opperman en Amanda Strydom.
Musiek deur Janine Neethling.

Tydens die fees skuif Charl du Plessis agter die klawers in.

Vervaardig deur Packed House Productions.

Aardklop 2011

Klipdrift Elgrosaal, Potchestroom – 70 min. – R90.
4 Okt. – 21:00, 5 Okt. – 10:00, 6
Okt. – 14:30, 7 Okt. – 14:30, 8 Okt. – 14:30

Hierdie pragtige, oorspronklike Afrika-stories – vertel met unieke marionette en poppe van poppemeester Johan Swanevelder – is ’n móét vir oud en jonk.

Aardklop 2011

NG Kerk Noord-saal, Potchefstroom – 45 min. – R60.
4 Okt. – 09:00, 5 Okt. – 16:30, 6 Okt. – 11:00, 7 Okt. – 17:00, 8 Okt. – 14:00

Petru Wessels, Carel Trichardt, Charl Lamprecht (klassieke kitaar) en Katrien Holm (viool/perkussie) drink ’n heildronk op sy passie en lewenslus met humoristiese vertellings uit sy lewe en voorlesings uit sy gedigtetrommel.

Aardklop 2011

NG Kerk Noord-saal, Potchefstroom – 75 min. – R110.
5 Okt. – 20:00, 6 Okt. – 20:00, 7 Okt. – 09:00, 8 Okt. – 11:30