11 Julie 2010
Teater
Die geliefde en gevierde kortverhaalskrywer Hennie Aucamp is op 21 Maart 2014, slegs twee maande na sy 80ste verjaardag oorlede.
In hierdie herinneringsboek word verskillende fasette van sy lewe deur familie, vriende en medeskrywers belig. Onder die familielede wat bydraes tot die boek gelewer het, is sy suster Rina wat herinneringe aan hulle kinderjare op die familieplaas Rus-mijn-ziel opdiep en sy neef Inus Aucamp wat meer vertel van die vestiging van die Aucamp-familie in die Stormberge.
Die skryfster Margaret Bakkes, wat ook sy kleinniggie is en op ’n buurplaas grootgeword het, vertel hoe sy en Hennie reeds as kinders teenoor mekaar bely het dat hulle wil skryf. Daar is ook bydraes deur Marius en Christiaan Bakkes, wat oor Hennie se belangstelling in die natuur.
Daar is besondere opstelle deur medeskrywers Lina Spies, Aletta Lübbe (gebore Aucamp), Danie Botha en Abraham de Vries, terwyl Daniel Hugo en Joan Hambidge gedigte opgedra aan Hennie gelewer het. Die radiopersoonlikhede Monica Breed en Margot Luyt skryf oor Hennie se ruimhartigheid en sy vriend Nico Loubser oor Hennie se laaste dae.
Om Hennie Aucamp te onthou
Om Hennie Aucamp te onthou / samesteller Danie Botha — Protea Boekhuis, 11 Desember 2015; 100 p. ; sagteband. — ISBN 9781485304746
Om Hennie Aucamp te onthou,
Bettie Blom,
29 April 2016.
Slegs vir almal is ’n kabaret in die ware sin van die woord.
Hennie Aucamp druk homself, in die lig van die Suid-Afrikaanse omstandighede van die tyd, uit. Hy lewer vlymskerp kommentaar oor oorlog, seksuele emansipasie, sensuur en die probleme van “ongelukskinders” soos gays, vroue, mense van kleur, kleurvolle mense, mense sonder kleur, die armes, bejaardes en ook alle sogenaamde randfigure.
In hierdie moderne weergawe word eeue oue kwessies opgediep en afgestof. Dit is ‘n bewys dat Aucamp nooit sy rakleeftyd sal oorskry nie. Hierdie kabaret is werklik: Slegs vir almal!
Begeleiding deur Mr Cat & The Jackal.
Genre: Kabaret
Kaartjies: R 80
Plek: Fugard Studio, Kaapstad
Datum: 30 April – 3 Mei
Slegs vir almal
Slegs vir almal,
Roekeloos,
24 April.
Die tydskrif Mooiloop het in 2008 sy laaste uitgawe gedruk nadat dit in 2006 as Wegbreek, die Afrikaanse weergawe van die reistydskrif Getaway verskyn het.
Lesers wat die skeppendheid en passie van die redaksie onder leiding van Gerrit Rautenbach waardeer het, kry nou die geleentheid om hulle van voor af te verlustig in Mooiloop se onverdunde reisstories, hier gebundel in een heerlike woordreis van begin tot einde.
Reis word meer as net ’n stap-vir-stap-vertelling en skrywers soos Eben Venter, Chris Barnard, Hennie Aucamp, Riana Scheepers en nog vele ander bekende pennemeesters voer jou – die leser – mee na hul hartland, laat jou die opwinding smaak van jou eerste duin met ’n viertrek baasraak, laat die spoke van die verlede riel trap op ’n vergete dansvloer in die Karoo, of vat jou voetjie vir voetjie saam op die bakleistryd om Kili te klop.
As jy ooit gewonder het waar die hart van die Kgalagadi nou eintlik lê, sal hierdie bundel die antwoord verskaf … of jou uitdaag om self die wandelstaf op te neem. Soos wat Mooiloop se leuse, ‘reis sonder einde’, te kenne gee, is hierdie reis nog lank nie verby nie.
Koop / Buy Mooiloop: Mooiste reisstories (sagteband) >>
Mooiloop: Mooiste reisstories
Baie van die versies verwys na eietydse dinge soos sms’e, pizzas en Croc-skoene wat vir vandag se kinders aantreklik sal wees. Die meeste van die versies handel egter oor die gewone dinge van die kinderwêreld: oumas en oupas, mammas en pappas, troeteldiere, speelgoed, badtyd, voëltjies, goggas en paddas.
Aucamp skram egter nie daarvan weg om effens meer gesofistikeerde verwysings byna ongesiens in die verse in te glip nie, soos in die onsinversie oor oom Nathan die Ou Wyse en die verhaal van “Oorlede Dina Sourus”, wat die verse ook vir die voorlesers genotvol sal maak.
Slim woordspel, vindingryke ryme en Aucamp se trefsekere gevoel vir ritme maak dat hierdie versies gou onder die klassieke kinderverse in Afrikaans gaan tel, soos blyk uit twee van die kort versies:
“’n Miskruier werk en Juffrou Matte Matie by die Munisipaal leer somme wat nie skaad nie wat hom taks ’n halfkroon”
“Drie plus vier is amper tien, vir ’n vrag betaal. en tien min twaalf is sedertdien.”
Diek Grobler sorg vir die treffende illustrasies van die versies.
Woerts in die hoekie
Woerts in die hoekie / deur Hennie Aucamp ; illustrasies deur Diek Grobler — Protea Boekhuis, Januarie 2012. — 80 p. ; ill. ; sagteband ; 175 x 230 mm. — ISBN 9781869194697 :
Taal: Afrikaans
Sleutelwoorde: Hennie Aucamp, Woerts in die hoekie, Protea Boekhuis, Diek Grobler
(Stuur enige resensies of bydraes na bydraes by roekeloos.co.za)
Van alle soorte tekste en gedigte is die van erotiese aard meestal straks.
Tog, van dié soort teks het die meeste mense wel ondervinding. Lus gaan verby kleuterryme en toiletgraffiti na die mooiste gedigte in Afrikaans. Dié literêre kabaret is ‘n tong-in-die-kies kykie na lyflike liefde, kleurvol en guitig, stout en hartseer en definitief vermaaklik.
Die kabaret is geïnspireer deur die werke van bekroonde skrywer Hennie Aucamp en tesame met gedigte van Breyten Breytenbach, Lina Spies, Ingrid Jonker, Ronnie Belcher, Peter Blum en Antjie Krog word alle aspekte van die liefde van die lyf ontbloot.
Met Elizabeth Frandzen, Anéle du Plessis, Maryke Nel en Rika Vermeulen.
Regisseur: André Strijdom
Lus is vandag in Wellington by die Die Bordienghuis.
(Stuur enige resensies of bydraes na bydraes by roekeloos.co.za)
Afrique mon désir by die Fugard | Roekeloos
2018-09-16 08:49:06