11 Julie 2010
Boeke
Speurder Ella Neser stel ondersoek in nadat vier gemummifiseerde linkervoete in ’n Checkers-sak in ’n openbare tuin gevind word.
Die verdwyning van Billy Katz
Ella se soektog lei na ’n begrafnisonderneming in Turffontein en die Pottas-familie, met hul stom aanneemseun, Rakker. Maar hoe hou die voete verband met Billy Katz se verdwyning en die saak wat Lou sy loopbaan en amper sy lewe gekos het?
Die verdwyning van Billy Katz word 15 Oktober 2015 vrygestel.
Die verdwyning van Billy Katz / Chris Karsten — Human & Rousseau, 15 Oktober 2015; 416 p. ; sagteband. — ISBN 9780798171076
Die verdwyning van Billy Katz,
Bettie Blom,
23 Augustus 2015.
Sy was ’n Facebook-flerrie van formaat, en ’n groot feminis, maar toe ontmoet sy vir vervelige Gustav. En al is sy nie ’n domestic goddess se watsenaam nie, wil sy vreeslik graag trou, al vandat sy ontdek het daar is kinders wat ’n ma én ’n pa het. Want na ’n pa verlang sy met haar hele hart.
Wanneer Maxie se politikus-ma haar New York toe pos saam met ’n spin doctor omdat Gustav, ’n rugbyskeidsregter, die hele land in die skande gesteek het, voel sy hoe die Facebook-flerrie in haar weer wakker word en haar Jimmy Choo’s aantrek.
Maar New York is snikheet warm, daar’s ’n stalker oorkant haar woonstel en sy voel soos ’n valerige muffin tussen al die blinkversierde New Yorkse cupcakes.
Haar ma kom op besoek en Maxie leer skokkende dinge oor die pa wat sy nooit geken het nie. Hy is dalk nader as wat sy kon droom …
’n Hap van die appel
♦♦♦
’n Hap van die appel / deur Kristel Loots — Human & Rousseau, 20 September 2012. — 256 p. ; sagteband. — ISBN 9780624056331 :
Taal: Afrikaans
Sleutelwoorde: ’n Hap van die appel, Kristel Loots
Omdat Solet Scheeres se kinders hul Suid-Afrikaanse oumas net ’n paar weke per jaar sien, het sy besluit om ’n boek te skryf waarin ouma haar lewensverhaal kan vertel. Ons oumas het immers dinge deurgemaak wat ons kinders nooit sal beleef nie. Uiteindelik, nadat sy die boek vol geskryf het, kry ouma se kleinkind dit terug om die kosbare stuk familiegeskiedenis vir die nageslag te bewaar.
Ouma vul vrae in die volgende afdelings in:
1. Ouma se storie
2. Hok toe! Ouma se skooldae
3. Herinneringe uit toeka se dae
4. Vrotsige vryers en ’n trousseaukis
5. Huis opsit en moederskap
6. Ouma se plek in die geskiedenis
7. Ouma se reisavonture
8. Ouma se wense en wyshede
Ouma se storie
’n Boek vol met Ouma se mooiste herinneringe – om vir altyd te onthou.
♦♦♦
Ouma se storie / deur Solet Scheeres — Human & Rousseau, 15 November 2012. — 128 p. ; sagteband. — ISBN 9780798156097 :
Taal: Afrikaans
Sleutelwoorde: Ouma se storie, Solet Scheeres, Anneline Kriel, Zola Budd, Chris Barnard
Wat het met Mignon gebeur in die jare wat hulle mekaar nie gesien het nie wat haar so bitter gemaak het dat sy nie meer kans gesien het om te lewe nie? En waarom het Mignon se familie alle kontak met haar verbreek?
Op skool moes Maggie en Mignon pouses op hul eie speel en die spot van die ander kinders trotseer. Maggie omdat sy die streng skoolhoof se rooikopdogter is en Mignon omdat sy ’n Jehova-getuie is. En Maggie weet uit eie ervaring hoe ongenaakbare dissipline ’n kind lewenslank kan knou.
Voor haar dood het Mignon vir Maggie gevra om ’n vrou in die tronk te gaan opsoek. Bea Mostert, ook ’n Jehova-getuie, is tot dertig jaar tronkstraf gevonnis vir ’n onmenslike daad. Wat in die Mignon en Bea se lewens het hul tot sulke uiterstes gedwing?
♦♦♦
Getuie
Getuie / deur Christine Barkhuizen-Le Roux — Human & Rousseau, 15 November 2012. — 384 p. ; sagteband. — ISBN 9780798157070 :
Taal: Afrikaans
Sleutelwoorde: Getuie, Christine Barkhuizen-Le Roux
Roekeloos
2018-11-16 07:41:35