Die Suid-Afrikaanse tenoor, Stefan Louw, bring ‘n reeks opera arias na verskeie plekke in Suid Afrika. Die opening van sy produksie Aria! is vasgestel vir Sondag 24 Oktober om 3 namiddag by die Joburg Promusica Teater in Roodepoort.

Louw, met sy merkwaardige opera repertoire wat nasionale sowel as internasionale produksies insluit is ongelooflik opgewonde oor hierdie nuwe onderneming. “Die idee vir die konsert het gekom nadat ek gemerk hoe baie klassieke sangkonserte daar is, maar dat min van hierdie getrou bly aan die opera repertorium,” sê Louw. Sy doelwit is om aan ware opera aanhangers ‘n kwaliteit konsert te lewer en terselfdertyd nuwe gehore te werf wat egte opera kan waardeer.

Die program bestaan uit arias van verskeie genres in opera. “Soveel genres as wat my fach kan uitvoer,” beklemtoon hy. Die konsert dek die meer bekende komponiste en arias soos Nessun Dorma en La Donna e Mobile, maar sluit ook minder bekende arias soos Ah! Fuyea, douce image in.

By die opening van die produksie span Louw vir Ilse Myburg in as pianis sowel as Veramarie Meyer as mezzo sopraan, beide bekende kunstenaars in hulle velde. Myburg is sedert 1986 ‘n begeleier en Meyer het ‘n sterk opera repertoire agter haar naam.

Stéfan Louw

Kaartjies vir die konsert is verkrygbaar vanaf Computicket en besprekings het pas geopen.

Related posts:

1. Hoera Vir Opera!
2. La Bohème
3. Chris Louw pleeg selfmoord
4. Boland-konserte
5. La Scala di Seta