Kieslys

Close


*/

03 Oktober
2017
Teater
2361 keer gelees
(*slegs web-weergawe)

Edrien Erasmus “Ontbloot” haar op Aardklop

Na meer as 15 jaar in die vermaaklikheidsbedryf, het Edrien Erasmus genoeg moed bymekaar geskraap om haar eie hart as kunstenaar, vrou, mens, sanger en grappie verteller met gehore te deel in haar eenvrouvertonging, Ontbloot.

Edrien het groot geword in Thabazimbi. Daar het sy tussen yster klip en rooigrond vir haarself verhogies en speel-speel teaters gebou. Haar klein tyd drome is aangehits deur twee onderwyseresse, Marie du Toit en die eienares van Kunstegrot op die dorp en passievolle teater liefhebber, Rita Volschenk. Van gediggies soos “Verdwynskuimroom” en “Salomo”, tot haar eerste rol op die verhoog as die kat in Op pad na Bremen, het Rita haar afgerig en help droom! Edrien glo dat jy jou drome moet nastreef, selfs al voel dit soms of dit nie kan werk nie.

Edrien is bekend vir haar rolle in verskeie musiekblyspele, onder andere Droomkind, Liefling, Ons vir jou en Lied van my hart. Haar films sluit in Vir die Voëls, Kampterein en vroeër in 2017 het sy die geleentheid gehad om te werk aan die verfilming van Raaiselkind. Sy vertolk ook tans die rol van Barta van Rooyen in Lefra se verhoog produksie Fiela se kind, wat landswyd toer en was ook te sien in Lefra se trefferklug, Daa gaat die bruid.

“Om ‘n kunstenaar of selfs net kreatiewe mens te wees, dwing jou soms om verskillende karakters in jou hart en kop toe te laat. Die groot uitdaging is, om tussen al die verskillende karakters, emosies, rondtoer, skryf, sing, skep, kreatief bly en duisend ander veranderlikes, steeds jouself te bly. Eerlik, ontbloot … net Edrien.”

“Ek belowe nie dat jy aan die einde van Ontbloot enigsins my as mens sal verstaan nie, ek belowe net ‘n kykie in die wêreld wat ek meestal my eie noem. Ons gaan sing en lag en huil en daarna bietjie wyn drink”

Ontbloot is ‘n eenvrou-vertoning wat bestaan uit tientalle oorspronklike liedjies, verskeie oorspronklike komiese stukke asook ‘n kabaretnommer of twee met Edrien Erasmus, klavier begeleiding deur Mariëtte Galjaard en regie word behartig deur Cobus Venter.

Ontbloot speel by die Lefra Stadsaal @ Aardklop op Saterdag, 7 Oktober 2017 om 21:00. Kaartjies kan bespreek word by Computicket 0861 915 8000 of by www.computicket.com.




Gee jou mening







Gereeld gelees

11 Julie 2010
Teater
Verklarende Afrikaanse Woordeboek
Die Verklarende Afrikaanse Woordeboek (waarvan die eerste uitgawe reeds 70 jaar gelede verskyn het) is die handwoordeboek waarin die grootste versameling trefwoorde in Afrikaans verklaar word.
08 November 2012
Teater
Kort grappe
Jou ma is so kort, mens ...
27 November 2010
Teater
Die mooiste Afrikaanse liefdesgedigte
Die vierde, uitgebreide uitgawe van Die Mooiste Afrikaanse Liefdesgedigte is nou chronologies georden, sodat lesers kan sien hoe die Afrikaanse liefdesgedig oor die afgelope eeu ontwikkel het.
07 Januarie 2009
Teater
Gedigte van Anell de Beer
Wat 'n groot voorreg om deel te kan wees, en immers ek is bevrees. Ons is almal oud genoeg, om in die more te wroeg.
24 Mei 2012
Teater
Kort grappies
Wat is die verskil tussen ’n voël en 'n vlieg?

Onlangse kommentaar

Die Alternatiewe Verklarende Afrikaanse Woordeboek: komplot | Roekeloos
2018-12-09 20:26:41
[…] Roekelose Woordeboek […]...
Inskrywings is oop vir LAPA se 2019 jeugromankompetisie | Roekeloos
2018-12-05 08:59:45
[…] gewilde kompetisie het al groot name getrek, soos Fanie Viljoen (Afkop), Marita van der Vy...
Milla Jovovich naak in Purple | Roekeloos
2018-11-30 14:40:17
[…] is die tweede bekende aktrise wat vanjaar naak in ‘n Franse tydskrif verskyn. Eers w...

Advertensie

Hou jy van ons hulpbronne? Oorweeg asseblief 'n donasie in Bitcoin: 179nZqSyFmYPcvu4ZU733PgXBKUYXcy9DD