Lizz Meiring met Cheaper than roses by Aardklop

Twintig jaar gelede, skryf die dramaturg Ismail Mahomed ‘n solostuk vir die aktrise Lizz Meiring. Die drama handel oor ‘n onderwerp waaroor niemand in ons land nog steeds wil praat nie. Weens Meiring en Mahomed se verskeie werkverpligtings, word die stuk nie destyds opgevoer nie. Maar Meiring en Mahomed voel beide, dit was goed dat dit nie destyds opgevoer is nie.


In 2013, versoek Dr Niel le Roux die voormalige direkteur van die Media 24 Suidoosterfees, dat Meiring en Mahomed, die solostuk kom opvoer by die 2014 Media 24 Suidoosterfees.

Meiring en Mahomed is dit eens, dat dit nou die regte tyd is om Cheaper than roses die lig te laat sien. Die befaamde Zane Meas word as regisseur aangestel. Coenie de Villiers skep spesiale musiek en Kosie Smit van Kosie House of Theatre vervaardig, en doen ook die stel en beligtingsontwerp.

Cheaper than roses is met uitverkoopte vertonings en staande ovasies by die Suidoosterfees 2014 en US Woordfees 2014 bekroon.

Cheaper than roses vertel die ongewone, snaakse en soms hartseer verhaal van Betty Fourie, ‘n vrou wat nie langer kan weghardloop van wie sy waarlik is nie. Voeg by ‘n verlate stasie, die spoke van haar verlede, asook onse Madiba as onwillige gespreksgenoot, en die intrige bou tot ‘n rits onblotings en verrassings.

Die stuk speel af in 1996 en vertel die verhaal van ‘n bruin vrou wat haarself in die apartheidsjare laat herklassifiseer het as blank. Om een of ander rede , word daar nog steeds nie gepraat oor die herklassifikasie kwessie nie. Maar Cheaper than roses is glad nie ‘n politiese storie nie, bloot net die eg menslike versugting van alle Suid Afrikaners wat hul plekkie onder die soms verwarrende, Afrika son soek.

Met: Lizz Meiring
Regie: Zane Meas
Teks: Ismail Mahomed

Aardklop 2014

Opvoertye:
8 Oktober 12:30
9 Oktober 12:30
10 Oktober 12:30
11 Oktober 21:00

Potchefstroom Central Primary School, Potchefstroom

Besprekings by Computicket.

Cheaper than roses
Cheaper than roses

Sluit aan by die Gesprek

1 Kommentaar

Lewer kommentaar

Lewer kommentaar