Kieslys

Close


*/

02 Oktober
2017
Teater
1484 keer gelees
(*slegs web-weergawe)

My pa

Lefra Produksies se splinternuwe eenmanvertoning, My pa, met bekende akteur, Cobus Venter, debuteer by vanjaar se Aardklop in Potchefstroom.

Hierdie splinternuwe en oorspronklike teks is deur Frans Swart geskryf. Swart hanteer ook die regie. Die produksie het ‘n ouerbegeleiding vir taal. My pa speel op Woensdag, 4 Oktober 2017 om 09:00 en op Donderdag, 5 Oktober 2017 om 15:00. Besprekings kan gedoen word by Computicket 0861 915 8000 of by www.computicket.com.

Gert Struwig, gespeel deur Venter, is ‘n rêrige-êrige Bloubul. Hy is beslis nie ‘n metroman nie. Naas die Bybel, is rugby sy grootste aanwyser. Hy beplan sy braais, sy gesin, sy partytjies en sy gesin se aktiwiteite rondom rugby. Sy lewe draai om rugby. Sy helde is rugbyspelers. Sy bestaan is rugby. ‘n Eg tipiese Suid-Afrikaanse man. Maar dan gebeur die lewe en Gert se bestaan word dramaties verander met sy eie vraag: “Is ek my seun se held?”

Frans Swart, skrywer en regisseur van My pa sê dat alle Pa’s hulle seuns se helde wil wees. “Maar ons Pa’s doen nie altyd die regte goed op die regte tyd nie. Ons probeer ook partykeer te hard. En dan twyfel ons ook in ons vermoë om ‘n goeie pa vir ons seuns te wees. Dit voel amper die meeste van die tyd asof ons voete van klei het. ‘n Seun wil maar net ‘n Pa hê wat omgee. Soos ons almal weet, is daar geen handleiding om kinders … veral seuns … groot te maak nie. Dis die essensie van My pa. Gert wil die ideale pa vir sy seuntjie wees en hy smag daarna om sy seuntjie se held te wees. Ongelukkig stel die seuntjie meer belang in Playstation, sy nuwe selfoon en sy maats as in sy pa se strewe om die ideale pa te wees.”

Swart sê dat hy ‘n robuuste spel soos rugby gebruik as metafoor te gebruik om die vraag te beantwoord: “Is ek my seuntjie se held?” sê Swart. “Die stuk het aanvanklik sy ontstaan gehad as Groet die Grotheld, maar ons het baie vinnig besef dat hierdie stuk op sy eie bene moet staan en nie in die Grot-mileu aangebied word nie. Ek het weer gaan werk aan die teks en is nou tevrede dat dit aangebied word as My pa.”




Gee jou mening







Gereeld gelees

11 Julie 2010
Teater
Verklarende Afrikaanse Woordeboek
Die Verklarende Afrikaanse Woordeboek (waarvan die eerste uitgawe reeds 70 jaar gelede verskyn het) is die handwoordeboek waarin die grootste versameling trefwoorde in Afrikaans verklaar word.
08 November 2012
Teater
Kort grappe
Jou ma is so kort, mens ...
27 November 2010
Teater
Die mooiste Afrikaanse liefdesgedigte
Die vierde, uitgebreide uitgawe van Die Mooiste Afrikaanse Liefdesgedigte is nou chronologies georden, sodat lesers kan sien hoe die Afrikaanse liefdesgedig oor die afgelope eeu ontwikkel het.
24 Mei 2012
Teater
Kort grappies
Wat is die verskil tussen ’n voël en 'n vlieg?
15 November 2005
Teater
Spreekwoorde en waar hulle vandaan kom
Op elke nuwe blaadjie wat omgeslaan word, is daar vir nuuskierige agies interessante brokkies en stories oor hoe van Afrikaans se bekendste en minder bekende uitdrukkings ontstaan het.

Onlangse kommentaar

Gedigte van Lorchall Cloete | Roekeloos
2018-06-21 10:24:30
[…] Digters […]...
Ellen Pakkies se lokprent bekendgestel | Roekeloos
2018-06-20 09:04:13
[…] regisseur, Daryne Joshua, wat bekend is vir sy suksesvolle debuutfilm, Noem My Skollie, wa...
Zenzi Makeba Lee & Amanda Tiffin | Roekeloos
2018-05-31 13:32:27
[…] meer inligting oor Zenzi Makeba Lee Zenzi Makeba Lee & Amanda Tiffin Genre: Jazz Taal...

Advertensie

Hou jy van ons hulpbronne? Oorweeg asseblief 'n donasie in Bitcoin: 179nZqSyFmYPcvu4ZU733PgXBKUYXcy9DD | Ons toets tans ’n kode om wiskundige probleme op te los met behulp van gebruikers se blaaiers; om nie afhanklik te wees van advertensies nie.