O my goeie volk is ’n solo-sketskomedie wat tong in die kies die spot dryf met ’n reeks kleurvolle Afrikaanse karakters.

Daar is onder andere Ivonnie, die Jeunesse-konsultant van Mpumalanga wat in verkleinwoordjies praat; Michellé, die ma en bestuurder van die 14-jarige popster, Caché; en Marietjie, die giftige rusbankresensent wat haar mond onbeskaamd en onophoudelik op kykNET se Facebook-blad uitspoel.

Die gehoor word vermaak deur uiteenlopende karakters wat twee goed in gemeen het: hulle is vroulik en hulle is Afrikaans.

Die teks is skerp, snaaks en die karakterisering pynlik akkuraat. Von Waltsleben is bekend vir haar vernuftige karakterwerk op die verhoog en in TV-reekse soos Die Francois Toerien Show en Die Republiek van Zoid-Afrika.

Holm, die regisseur, weet meer van solovertonings as enige ander vrou (of man).

* Debuut *

Met: Esther von Waltsleben

Regie: Marion Holm

Teks en vervaardiger: Esther von Waltsleben
Verhoogbestuurder: Jan-Hendrik Opperman

Genre: Komedie
Taal: Afrikaans
Ouderdomsbeperking: 14 –
Tydsduur: 1 uur 15 minute
Kaartjies: R100
Plek: Die Parlement, Oudtshoorn
Datum: 8 April 17:00; 9 April 20:00; 10 April 14:00; 11 April 11:00

KKNK 2017


O my goeie volk

O my goeie volk


3

Sluit aan by die Gesprek

1 Kommentaar

Lewer kommentaar

Lewer kommentaar