Kieslys

Close


*/

30 Desember
2016
Verhale
1061 keer gelees
(*slegs web-weergawe)

Koringpiskriek – ’n ware verhaal

deur Francois Koegelenberg

Despite their bulky appearance and scary-looking armature are like most insects, completely harmless.

Eeue terug in ‘n uitspansel ver hiervandaan het ek en hierdie hawt as hell cherry die aand bietjie uitgegaan. In die Bos. In ‘n kuierplek met blowpipes en suckpipes en skemerkelkies en shooters en yskoue draughts en dodgy burgers.

Almal is dressed to kill en die musiek, vreemd vir my ore, pomp deur die luisteraars. By gesê, ek het sopas van Nuweland af teruggekom waar ek in ‘n losie was, m.a.w., al redelik ver voor.

Poplap lyk soos iets uit Elle magazine met haar hotpants en word deur die spulse jongmans agterna gekyk asof ‘n kaal Cleopatra ingesweef het.

Ons sit, ek bestel en verskoon myself om na die klein mannetjies toe te verdwyn. Ek was immers in SAB se losie. Maar ek is self koud sestien aangetrek met stovepipes en hierdie wit en blou gestreepte Armani of dalk De Jagers-hemp aan. Die nooit-gaan-gedra-word trui hang, soos Trompie sou sê, ewe nonchalant om die skouers en ek ruik na Joop!

Terug by die tafel merk ek heel verbaas op, ons het twee nuwe gaste. Baie jonger as ek en smal en gel op die kuiwe en booties aan. Hulle fokus egter net op seksbom en nie op my nie. Die een sê nogals: “Jy gee nie om dat ons bietjie kuier nie?”

Ek los hom en bestudeer hulle. Hy, die klaarblyklike leier van die troppie is blond, hang duidelik in die Active Virgin uit, en is kompleet in sy whites vir die aand. Hy het ook een dog tag aan. Let op, een. Hy lyk soos ‘n mannetjie wat dink bosotters loop langs die Eersterivier rond. Sy side kick lyk soos ‘n buidelrot wat Rattex ingekry het met ogies so naby aanmekaar dat hy die plaashek oopmaak en dan steeds deur die draad klouter. Picture julle dit. Girlfriend gee hulle min aandag en ek los hulle want ek weet.

Volgende oomblik vertel sy my dat sy haar vriendin moet gaan optel en hulle kom nou. Nou is dit ons drie. Soos dit die Hemelse Aarde behaag kom hierdie reus, swarter as die nag met oë geler as die morning-after-piepie, aangerol. Don Matumbo, oud-bouncer by Moyo, en Kongolese vriend van my. Ons groet op die manier wat jy daar groet en hy kom sit met sy Magnum-hemp en sy Black Lable. Ek knipoog vir hom en vra vir die blonde een, die arm man se James Dean, of hy weet waar dog tags vandaan kom? Hy antwoord dat hy dink dis uit die army. Ek sê en ek sweer: “Ja maar dis eintlik vir identifikasie en daarom sal jou magsnommer (88 639 605BG) en jou van en jou voorletters en jou Eenheid en jou Kerk en jou bloedgroep ( B-) daarop verskyn.” “Ai” merk hy op. En sê ek jy dra altyd twee vuurvastes, want as jy gewond word of gedood word, word die een afgepluk. En ek add: “Die een, groot seun, sit hulle in jou mond, as jy nog ‘n kop het, en die ander om jou toon, as jy nog ‘n voet het. My concern is dat jy net een het en daar is geen naam en geen niks op nie. So hoe gaan ons vir jou mamma laat weet jy is dood vanaand? Want iemand gaan doodgaan vanaand en dis nie ek of Don hierso nie.”

Hy sluk en vra Don: “And you, were you in the Army?”
“Oui, monsieur but we didn”t have dogtags becasue if you died nobody gave a f@ck!”
“Okay jissus, dis genoeg, kom gaan nou Floris!” Kom die skrou van Buidelrot. En ek sê: “So kom sluk julle aapsap af, sluip uit, my liewe twee Koningpiskrieke, klim op julle driewielfietsies want ek neem aan by die koshuis wag baie inkleurwerk vir julle!”

Die twee girls kom terug en die Blondie wil weet waar die youngsters is?
“Nowhere”, antwoord Don, “Francois what is a koringpiskriek?”




Gee jou mening







Gereeld gelees

11 Julie 2010
Verhale
Verklarende Afrikaanse Woordeboek
Die Verklarende Afrikaanse Woordeboek (waarvan die eerste uitgawe reeds 70 jaar gelede verskyn het) is die handwoordeboek waarin die grootste versameling trefwoorde in Afrikaans verklaar word.
08 November 2012
Verhale
Kort grappe
Jou ma is so kort, mens ...
27 November 2010
Verhale
Die mooiste Afrikaanse liefdesgedigte
Die vierde, uitgebreide uitgawe van Die Mooiste Afrikaanse Liefdesgedigte is nou chronologies georden, sodat lesers kan sien hoe die Afrikaanse liefdesgedig oor die afgelope eeu ontwikkel het.
24 Mei 2012
Verhale
Kort grappies
Wat is die verskil tussen ’n voël en 'n vlieg?
15 November 2005
Verhale
Spreekwoorde en waar hulle vandaan kom
Op elke nuwe blaadjie wat omgeslaan word, is daar vir nuuskierige agies interessante brokkies en stories oor hoe van Afrikaans se bekendste en minder bekende uitdrukkings ontstaan het.

Onlangse kommentaar

Gedigte van Emsa Haasbroek | Roekeloos
2017-10-13 08:09:43
[…] Digters […]...
Ryk Hattingh oorlede | Roekeloos
2017-10-10 14:56:38
[…] (Onlangs: Ryk Hattingh lees voor uit Huilboek) […]...
Ryk Hattingh oorlede | Roekeloos
2017-10-10 14:39:19
[…] Hy was die skrywer van Die tonnel, Markus vermoed ’n verhaal, Ignatius Brand, Witskr...

Advertensie

Hou jy van ons hulpbronne? Oorweeg asseblief 'n donasie in Bitcoin: 179nZqSyFmYPcvu4ZU733PgXBKUYXcy9DD | Ons toets tans ’n kode om wiskundige probleme op te los met behulp van gebruikers se blaaiers; om nie afhanklik te wees van advertensies nie.