Kieslys

Close


*/

13 September
2017
Verhale
2267 keer gelees
(*slegs web-weergawe)

Welkom in Angola

Ewenaar-bewoners.

By my aankoms hier het ek genoeg kennis van mense en hulle geite, giere, opdôner en aandôner.

Dis hier waar ek wakker skrik en tot my eerste slotsom kom dat, langs die ewenaar, ’n tweepotige spesie floreer op sothede en gekhede as stapelvoedsel. Die heersende mentaliteit is: toerusting breek, moertoe, los dit net daar, kla omdat daar nie genoeg is nie en wat is die maatskappy se storie dat hulle nie nuwes wil koop nie.

Met gebrekkige kommunikasie word ek telkemale tereggewys as ek oplossings aanbied. Die einde van die storie is ek moet die hulp en raad waardeer wat gratis en in oorvloed aan my geskenk word. As ek my dom hou word ek op die hande gedra, omdat ek ek sodoende erken ek is die een wat die raad en riglyne nodig het.

Vergewensgesind is die bewoners, maar my moedelose kreune van misverstande en opgekropte woede bly op dowe ore val en word op simpatieke wyse met kollegas en landgenote bespreek. Daar word in my rigting geloer met ’n gevolgtrekking dat dit moeilik gaan wees om vas te stel van watter dom, bleek land ek kom – om ’n kuur vir my agterstand uit te dink.

Kon die Porras nie toeka se tyd meer tyd spandeer het deur hul nageslag liewers iets te leer nie, behalwe die kakkerige fish-‘n-chips-taal. Emosies wat oorloop en kinders maak vier botoon saam met Kubaanse en Brasiliaanse invloede. Vergaderings swaai in ’n oogwink om in ’n moerse party met vingerhappies, swartmark Grants whiskey, louwarm bier, kak sigarette, parfuum wat jou asmaties laat snak en pruike met style wat wêreldbekende stiliste se skeppingsdrang sal laat blom. Vir ’n vreemdeling is dit iets om te aanskou, veral as die suggestiewe danse van Spaanse invloed afskop. Maar ek sien steeds die kopluise onder die pruike krioel en die lang beenhare. En ek ruik die ewenaar-sweet gemeng met goedkoop whiskey en maskara. Dit is hoe dit hier gaan.

Ek het ook uiteindelik my bydrae gelewer, met taallesse en tydskriffoto’s as hulpmiddel het ons iewers gekom, al verstaan ek niemand nie en sukkel ek met die twee seisoene; een nat, een droog.

Van gasvryheid en eerlikheid kan jy die mense niks leer nie, veral nie van vergewensgesindheid nie, maar ek gaan steeds nie belê in ’n aftreeoord hier nie.

Die Europeërs het hierdie lande net skade berokken en leeg gesuig. Niks kennis teruggeploeg nie en nou sit jy met generasie na generasie wat dieselfde siklus voltooi: word gebore, spyker, drink, werk en op 40 jaar skop jy die emmer want nie eers ’n stainless steel ball bearing kan al dié aanslae op liggaam en siel weerstaan nie.

angola




Gee jou mening







Gereeld gelees

11 Julie 2010
Verhale
Verklarende Afrikaanse Woordeboek
Die Verklarende Afrikaanse Woordeboek (waarvan die eerste uitgawe reeds 70 jaar gelede verskyn het) is die handwoordeboek waarin die grootste versameling trefwoorde in Afrikaans verklaar word.
08 November 2012
Verhale
Kort grappe
Jou ma is so kort, mens ...
27 November 2010
Verhale
Die mooiste Afrikaanse liefdesgedigte
Die vierde, uitgebreide uitgawe van Die Mooiste Afrikaanse Liefdesgedigte is nou chronologies georden, sodat lesers kan sien hoe die Afrikaanse liefdesgedig oor die afgelope eeu ontwikkel het.
07 Januarie 2009
Verhale
Gedigte van Anell de Beer
Wat 'n groot voorreg om deel te kan wees, en immers ek is bevrees. Ons is almal oud genoeg, om in die more te wroeg.
24 Mei 2012
Verhale
Kort grappies
Wat is die verskil tussen ’n voël en 'n vlieg?

Onlangse kommentaar

Die Alternatiewe Verklarende Afrikaanse Woordeboek: komplot | Roekeloos
2018-12-09 20:26:41
[…] Roekelose Woordeboek […]...
Inskrywings is oop vir LAPA se 2019 jeugromankompetisie | Roekeloos
2018-12-05 08:59:45
[…] gewilde kompetisie het al groot name getrek, soos Fanie Viljoen (Afkop), Marita van der Vy...
Milla Jovovich naak in Purple | Roekeloos
2018-11-30 14:40:17
[…] is die tweede bekende aktrise wat vanjaar naak in ‘n Franse tydskrif verskyn. Eers w...

Advertensie

Hou jy van ons hulpbronne? Oorweeg asseblief 'n donasie in Bitcoin: 179nZqSyFmYPcvu4ZU733PgXBKUYXcy9DD