B
Wenke A | Wenke B | Wenke C | Wenke D | Wenke E | Wenke F | Wenke G | Wenke H | Wenke I | Wenke J | Wenke K | Wenke L | Wenke M | Wenke N | Wenke O | Wenke P | Wenke R | Wenke S | Wenke T | Wenke V | Wenke W
Bad
Roosblare is ook vir bad geskik. Gooi ook ‘n paar druppels rooswater of roosolie by.
Vir ‘n verfrissende bad gooi vars basiliekruid in jou badwater.
Witasyn hou die bad wit en sonder vlekke.
Badkamerteëls
Spuit bietjie parfuum op die gloeilamp in die badkamer. Wanneer die lig aangeskakel word sal daar ‘n aangename reuk in die lug hang.
Reni de Waal: “Smeer karpolitoer op skoon badkamerteëls om muf te verhoed.”
Balpuntpen
Ink kan van klere verwyder word met brandspiritus, alkohol of haarsproei.
Besem
Plaas ‘n paar stukkies wol op die hoeke van jou besem en voorkom so dat jou meubels en vloerlyste beskadig word.
Beursie
Indien jy gereeld reis is dit ‘n goeie idee om ‘n vals beursie te dra. Hou ‘n paar rand daarin en winkelkaarte wat verval het. Die diefstal van beursies, selfone en skootrekenaars in Europa is aan die toeneem.
Bier
Biervlekke kan uit ‘n mat verwyder word deur dit met witasyn te vryf.
Bleikmiddel
Maak jou eie bleikmiddel met koeksoda en asyn.
Blindings
Was blindings met ’n mengsel van 250 mℓ ammoniak, 125 mℓ wit asyn, 60 mℓ koeksoda en 4 liter warm water. Spons die mengsel or die oppervlaktes en spoel af met skoon, koue water.
Bloed
Indien jy bloed op iets gemors het gooi dadelik vleisversagmiddel daarop. Voeg genoeg koue water by om ‘n pasta te vorm. Laat dit so staan vir 30 minute en spons af met koue water. Gooi in die wasmasjien.
Blomme vars hou
Maak ‘n gaatjie in ‘n rou aartappel en plaas jou steggie / blom daarin om dit vars te hou as jy dit vervoer.
Sit ‘n bietjie koeksoda in die water by die blomme.
Meng ‘n bietjie Jik, ‘n eetlepel suiker en ‘n eetlepel asyn. Gooi dit by die blomme se water.
Gooi ‘n Disprin by jou blomme om dit langer vars te hou.
Borrie
Om borrievlekke te verwyder was jy die kledingstuk onmiddelik in koue water en waspoeier. Hang in die son om droog te word, daar sal nog ‘n ligte vlek sigbaar wees. Was die kledingstuk dan weer en die vlek sal weg wees.
Brakwater
Boraks kan gebruik word om brakwater sag te maak.
Bril
‘n Druppel gliserien help om jou brilglase skoon te hou. Dit help ook teen wasigheid.
Bufferplakker
Die tweedehandse motor wat jy gekoop het, het ongelukkig ‘n bufferplakker op. Spons wit asyn op die plakker tot dit papnat is. Die plakker behoort nou maklik af te kom. Toets eers die asyn vooraf op ‘n klein stukkie om te sien of dit nie die motor se verf beskadig nie.
Wenke A | Wenke B | Wenke C | Wenke D | Wenke E | Wenke F | Wenke G | Wenke H | Wenke I | Wenke J | Wenke K | Wenke L | Wenke M | Wenke N | Wenke O | Wenke P | Wenke R | Wenke S | Wenke T | Wenke V | Wenke W