Gedigte van Bernadette Nieuwenhuis

Indeks van digters

Stuur jou gedigte na bydraes by roekeloos.co.za

Jy was …

Jy was my chat maatjie,
my skouer om op te huil,
Jy was my boks sak,
My gewete
die mandjie vir my gebroke hart.

Jy is …

Jy is my tissues
my haardroër.
Jy is my swart satyn japon;
& my blou mannetjie kussing in die aand.

Jy was …

Jy was die oorsaak,
die rede;
die uitkoms.
Jy was die opstaan,
& aangaan.

Jy is …

Jy is my favorite liedjie
my gunsteling boek.
Jy is my Pantene sjampoe;
& my Fantasy parfuum.

Jy was …

My leiding as dit donker was;
my hand om vas te hou.
Jy was my adrenalien laat in die aand;
my tweede asem as ek al klaar geslaap het.

Jy is …

Jy is my dons duvet;
my bakkie se remote.
Jy is my Edgars kaart;
my wasmasjien;
my mat.

Jy was …

Jy was my glimlag gedagtes;
my persoon wat ek altyd wou maak lag.
Jy was my rede;
ma van alles my hart.

Ek is …

Ek is die wind;
Ek is die weer;
Ek is ‘n storm;
Ek het seer …

Alles wat jy op die oomblik vir my IS,
Sal ek in n oogwink weg gee,
Net sodat jy weer vir my kan wees wat jy WAS.

Lewer kommentaar

Lewer kommentaar