Gedigte van Gareth Broeksma

teen die wit muur
sit ´n swart vlieg
en droom
ek dink dit droom
van ´n sweet’rige mensligaam
of blinknat miskoek

teen die wit muur
sit ´n grys mot
en droom
ek dink dit droom
van ´n fladderende kersflam geel
of ´n witlig helder

teen die wit muur
sit ´n wit vrou
en droom
ek dink sy droom
van ´n swart vlieg
en ´n grys mot
teen ´n wit muur
wat droom

Indeks van digters

(Stuur jou gedigte na bydraes by roekeloos.co.za)

Lewer kommentaar

Lewer kommentaar