Die susters duo moya & iona se nuutste enkelsnit, “ek soek”, is onlangs bekendgestel. Hierdie inspirerende liedjie is ’n intieme verkenning van selfontdekking, onafhanklikheid en die moed om jou eie pad te loop.
Met poëtiese lirieke en beeldryke simboliek gebruik “ek soek” die Kaapse kus, grondpaaie en plaaslandskappe as metafore vir vryheid, veerkragtigheid en egtheid. Dit weerspieël die soeke na identiteit buite die verwagtinge en invloede van ander.
“Hierdie lied gaan daaroor om jouself te vind sonder om van iemand anders afhanklik te wees,” verduidelik moya & iona. “Dis ’n herinnering dat dit okay is om soms verlore te voel, en om die reis van selfontdekking te omhels.”
Met hul unieke kombinasie van eerlike lirieke en ’n klank wat sowel vars as diep emosioneel is, bied moya & iona ’n lied wat luisteraars sal aanraak en inspireer.
Ek hou baie van moya & iona se musiek. Dis anders as die baie doef doef goed wat nou daar buite is. En om te dink hulle is sussies, 15&18 jaar oud! Wow!!