Siener in die suburb​​s

“Ek wil van geweet wees, Ma, ek wil nie vrek soos ‘n hond nie, ek wil van geweet wees.”

Vele snobistiese teatergangers het die stuk in die jare sewentig afgemaak met: “Daar bestaan nie sulke mense nie.” Maar daar was, daar is, en hulle is dalk jou bure. En met ‘n tikkie ongemak weet jy dat wat toé al die daaglikse lot van vele vroue was, vandag die siekte van ons tyd is.

Siener in die suburbs speel af teen ‘n agtergrond van maatskaplike verval, maar die fokus bly op die komplekse onderlinge menseverhoudings.

Siener in die suburb​​s
Siener in die suburb​​s
En soos die geval is met die meeste goeie teater, is daar ‘n tydloosheid aan hierdie drama. Dit is mense dié … wat vasgekeer is in ‘n goor oerwoud van stinkende straatjies, gangetjies en vullisemmers. Dit is verknoeide en inmekaar gekoekte lewens, hopeloos, vooruitsigloos. Maar elkeeen in homself: ‘n hele mens, met sy eie liefde en haat. As ons Afrikaanse teater wil hê, eietyds, met geweld, rou, verskriklik, maar met groot liefde en begrip geskryf, en bowenal met kennis van wat kán, móét en daarom mág, laat dit dan só daar uitsien.

Regisseur Heinrich Reisenhofer bring sy intense belangstelling in menslike en sosiale kwessies na hierdie ikoniese kultuurskat.

Met: Shaleen Surtie-Richards, Christo Davids, Brendon Daniels, Andrea Frankson, Dann-Jaques Mouton, Ivan Abrahams en Crystal Donna Roberts
Regie: Heinrich Reisenhofer
Teks: PG du Plessis
Teksverwerking: Oscar Petersen
Verhoogbestuur: Jeanne Steenkamp
Vervaardiger: Alexa Strachan
Ontwerp: Kosie Smit

Tydsduur: 120 minute (15 minute pouse ingesluit)
Toegang: 0/13
Clover Aardklop 2015
PUK Sanlam-Ouditorium
6 Okt 19:30
7 Okt 09:00
8 Okt 19:30
9 Okt 09:00
10 Okt 16:30
Besprekings: Computicket.
Kaartjies: R130

Lewer kommentaar

Lewer kommentaar