Die WGRUV-dansgeselskap gaan gehore betower met hul derde seisoen van 2024, met die aanbieding van Trilogy of Notes. Die geselskap, bekend vir hul innoverende en boeiende dans, poog om hoop te skep deur sielvolle storievertelling, en hierdie seisoen is geen uitsondering nie.
WGRUV se Trilogy of Notes begin op Donderdag 17 Oktober in Kaapstad en sal by die Star Theatre, Homecoming Centre wees vir drie vertonings, insluitend twee aandvertonings en ’n 15h00-matinee op Saterdag, 19 Oktober. Daarna is die vertonings in Gauteng, op die planke by die Atterbury Teater, Pretoria op Woensdag 6 November en Donderdag, 7 November om 19h00, gevolg deur vertonings by die Roodepoort Teater vanaf Woensdag, 20 November tot Vrydag, 22 November om 19h00 en 15h00 Saterdag, 23 November. Die seisoen eindig by die Lesedi-teater. Joburg Teater met 19h00 vertonings op Woensdag, 04 Desember; Donderdag, 05 Desember en Vrydag, 06 Desember. Kaartjies is te koop by www.wgruvdance.com
Die opening van die program is ‘n heropvoering van Vivace Motifs, gechoreografeer deur die bekende Amerikaanse choreograaf Jessica Lang. Lang se werk word gevier vir die visuele skoonheid en emosionele diepte.
Die tweede stuk, Permission to Fall, ‘n oorspronklike skepping deur die chorografiese kunstenaar en Doug Varone-danser, Brad Beakes, wie vir twee weke by WGRUV aangesluit het en die stuk saam met die dansers geskep het. Die musiek is Ryan Lot en Ymusic.
Die aand sal ‘n hoogtepunt bereik wanneer hulle in die 1950’s-era ’n draai maak met ‘n dinamiese stuk deur die voormalige Paul Taylor-danser en skepper, Michael Trusnovec. Met die musiek van June Christy, beloof Trusnovec se werk om nie teleur te stel nie.
Die geselskap werk hierdie seisoen saam met Joburg Ballet en verwelkom Marlon Sales op die verhoog. Boonop stel die geselskap met trots sy nuutste lid, Ruan Galdino, bekend wie se talente in hierdie sterrereeks saam met WGRUV se talentvolle en sielvolle dansers sal skyn.
