Stuur jou resensie vir ons by

Wall-E

Met die stemme van: Sigourney Weaver en John Ratzenberger
Regisseur: Andrew Stanton

Wanneer die ouens van Pixar 'n nuwe fliek uitbring het mens altyd rede om opgewonde te raak. Met Wall-E is dit geen uitsondering nie. Om die waarheid te sê, hierdie keer is daar meer rede as ooit tevore.

Tegnies is Wall-E in 'n klas van sy eie. Daar is 'n outydse benadering te bespeur in die animasie, wat uitgevoer word met die digitale presisie van moderne tegnologie.

Die verloop van die storie is perfek in lyn met die film se tegniese kant. Die afgeleefde robot wat die jongste in robottegnologie ontmoet. En hoe hard jy ook al probeer keer. Die ou robotjie, wat op die ashoop leef wat ons die aarde noem, gaan aan jou hart raak.

Alles gebeur boonop met die minimum dialoog. 'n Animasieprent wat ons wys wat visuele vermaak werklik beteken.

Wall-E (Waste Allocation Load Lifter - Earth Class) is 'n robot wat op die aarde is om die plek skoon te maak. Die mens het weggetrek omdat hy die plek so besoedel het dat geen lewende wese meer hier kon tuis wees nie. Wall-E is alleen met net 'n kakkerlak en 'n "Hello Dolly!"-video as afleiding - vir 700 jaar al. En hoe lnager Wall-E so leef leer hy al hoe meer van mense. En hoe meer hy van mense leer hoe meer raak hy soos hulle. En hoe meer voel hy alleen.

Regisseur Andrew Stanton was ook verantwoordelik vir die rolprentweergawe van die teks. Dit is nie toevallig dat Wall-E van so 'n hoë standaard is nie. Stanton toon lank reeds dat ons groot dinge van hom kan verwag. So was hy ook verantwoordelik vir die rolprentweergawes van die teks van Toy Story (1995), A Bug's Life (1998), Toy Story 2 (1999), Monsters, Inc. (2001) en Finding Nemo (2003). Hy was ook die regisseur van laasgenoemde. Sy volgende projek is John Carter of Mars wat ons teen 2012 kan verwag.

Ja, jy gaan verlief raak op 'n robot. Kinders gaan mal wees oor hom. Almal wat Wall-E nou sien gaan eendag kan sê hulle was daar met die vrystelling van 'n klassieke kinderfliek.

Een van die beste films van alle tye!
9 uit 10

Voorprent: Wall-E ->

Flieks
A
B
C
D
E
F
G
H
I
J
K
L
M
N
O
P
Q
R
S
T
U
V
W
X
Y
Z