Dagboek Kunstefeeste Musiekdagboek Teaterdagboek

Het jy 'n bydrae of resensie vir die Musiekafdeling? Stuur dit na .

Gerald Clark en Luna

Gerald Clark word in die sirkel van Suid-Afrikaanse kunstenaars en musikante gereken as een van die grootste, kraakvars talente in ons land!

Gerald Clark is aan die meeste mense bekend as die frontman van die gewilde blues band, Delta Blue. Met 'n ongelooflike passie vir die blues en 'n merkwaardige songwriting- en sang talent - het Gerald oor die laaste paar jaar ongelooflik gegroei as kunstenaar en betrokke geraak by verskeie projekte. Elke projek was uniek in sy soort en dui op Gerald se veelsydigheid as kunstenaar en sy vermoë om sy musiek en vertonings aan te pas volgens die verskillende teikengroepe in die musiek industrie. In elke projek waarin Gerald Clark betrokke is speel hy veral 'n groot rol in die skryf en toonsettings van die songs.

En nou met sy debuut Afrikaanse CD, Sweepslag, gaan hy Afrikaners laat snik na hulle asem en emosie soos hy hulle met sy rou kitaar, lirieke en stem neem na 'n plek waar hulle nog nooit was nie …

Luna het, net soos Gerald Clark, haar loopbaan afgeskop in Stellenbosch en vinnig naam gemaak as 'n kunstenaar met uitsonderlike songwriting- en sang vaardighede. Sy het haar eerste verskyning in die musiekindustrie gemaak as deel van die Eve: Women in the Garden of song-projek, waar sy gewerk het saam met vroue soos Lesley Rae Dowling, Laurinda Hofmeyr, Eugenie en Nicole Holm. Luna het kort daarna haar eerste album vrygestel, wat gevolg is deur 'n tweede vollengte CD, Missing Pieces. Albei die CD's is met groot lof besing deur die media en is goed ontvang op radio.

As solo kunstenaar het Luna die geleentheid gehad om saam met van ons land se beste kunstenaars en sessie musikante te werk en op te tree. Luna het vir internasionale band, K's Choice in Johannesburg en Pretoria geopen, 'n pragtige duet ("Stellenbosch Lovesong") saam met Jak de Priester gesing en is nou betrokke by die Kanna genomineerde produksie Elders aan Diens, saam met bekroonde aktrise Nicole Holm.

Luna stel eersdaags haar nuwe musiek vry op die internet. Die eerste drie snitte sal gratis beskikbaar wees op haar webwerf en beloof om haar getroue volgelinge te verras met 'n vars nuwe klank. Lees meer hieroor op www.lunamusic.co.za.

Gerald Clark en Luna se paaie het al baie gekruis. As mede-kunstenaars en vriende het hulle nog altyd 'n hoë agting vir mekaar se werk en sangtalente gehad. Die twee songwriters en sangers het uiteindellik besluit om hulle talente saam te snoer en 'n vertoning aanmekaar te slaan, wat sal bestaan uit 'n kombinasie van beide se musiek (Afrikaans & Engels), asook 'n cover of twee. Die twee kunstenaars sal mekaar ook begelei op klavier en kitaar en sal verskeie songs saam sing. Beide hierdie kunstenaars is al beskou as kunstenaars wat nie vir een oomblik hoef terug te staan vir internasionale kunstenaars nie. Ware talent waarop Suid Afrikaners kan trots wees!

Koop / Buy Sweepslag ...
Koop / Buy Missing Pieces ...

Musiek
A
B
C
D
E
F
G
H
I
J
K
L
M
N
O
P
R
S
T
U
V
W
Z
MUSIEKVIDEOS