Stuur jou resensie vir ons by

Bee Movie

Met die stemme van: Jerry Seinfeld, Renée Zellweger, Matthew Broderick, Patrick Warburton, John Goodman, Chris Rock, Kathy Bates, Barry Levinson, Larry King, Ray Liotta, Sting, Oprah Winfrey, Megan Mullally, Rip Torn en Michael Richards
Regisseur: Stephen Hickner

Ek het (miskien te) hoë verwagtinge gehad vir Bee Movie, 'n animasiefliek oor die lewe van 'n by genaamd Barry B. Benson (Jerry Seinfeld) en geskryf deur die gedugte Seinfeld-span.

Barry B. Benson het nie uitgesien na die lewe van 'n by nie. Jy word gebore, gaan vir 'n dag of twee skool toe en dan werk tot jy dood is. Barry rebelleer en verlaat die korf, op soek na iets meer in die lewe. Tot op hierdie punt was dit tipies Seinfeld, fyn waarneming en die vermoë om die alledaagse snaaks te laat lyk.

Ongelukkig kom die storie se knoop effe los. Barry raak verlief op sy mensvriend Vanessa (Renée Zellweger), Barry sleep die mensdom hof toe omdat hulle heuning eet en Barry klim agter die stuurstang van 'n vliegtuig in. Aanvanklik lyk Bee Movie asof dit 'n vae omgewingsvriendelike boodskap wil oordra, maar dié word ook halfpad deur laat vaar.

Dit is nie heeltemal duidelik op wie die vermaak gemik is nie. Barry B. Benson se eskapades is gewoon te oppervlakkig vir volwassenes, maar die humor is van die verbale soort wat steun op ironie en nie hansworstery wat kinders laat lag nie.

Bee Movie is gesinsvermaak, maar kan ongelukkig nie kers vashou by kontemporêre Pixar-aanbiedinge soos Monsters, Inc. (2001), Finding Nemo (2003), The Incredibles (2004), Cars (2006) en Ratatouille (2007) nie.
5 uit 10

Voorprent: Bee Movie ->

Flieks
A
B
C
D
E
F
G
H
I
J
K
L
M
N
O
P
Q
R
S
T
U
V
W
X
Y
Z