Stuur jou resensie vir ons by

Met die stemme van: Jim Carrey, Steve Carell, Carol Burnett, Will Arnett, Seth Rogen, Dan Fogler, Isla Fisher & Jaime Pressly
Regisseur: Jimmy Hayward & Steve Martino

Sou jy my arm draai en ek regtig moes, vertel ek jou die storie soos sy skepper, Dr. Seuss.

Moenie bevrees wees nie. Dis hopeloos te veel moeite om Dr. Seuss se rymelary na te aap. Die man was enig van sy soort. Enige persoon wat kan lees moes al The Cat in the Hat (1957), How the Grinch Stole Christmas! (1957), Green Eggs and Ham (1960) en One Fish Two Fish Red Fish Blue Fish (1960) onder oë gehad het. Horton Hears a Who is die derde boek om na How the Grinch Stole Christmas! (2000) en The Cat in the Hat (2003) op die silwerdoek te verskyn.

Horton is 'n olifant. O ja, 'n groot kalant. Jammer ...
Horton die olifant hoor 'n geluid op 'n stofkolletjie. Niemand anders hoor dit nie en dink Horton is simpel. Nog erger, hulle wil Horton se stof braai om hom 'n les te leer. Wat hulle nie weet nie is dat daar 'n hele dorpie klein mensies is wat op Horton se stof leef, die Whos van Who-ville.

Nie een van die Seuss-flieks kon ooit werklik die boeke suksesvol vertolk nie, maar Horton Hears a Who is die naaste aan die kol. Die dialoog word slim verweef met Dr. Seuss se oorspronklike teks. Die rekenaaranimasie is baie goed en die kunstenaars het ook moeite gedoen om Dr. Seuss se oorspronklike karakters uit te beeld asof hulle uit sy pen kom. Volwassenes kan by tye verveeld begin rondkyk, want die grappies kan flou raak, maar die kinders gaan versot wees hierop.

Dit is 'n genotvolle storie wat jou respek vir ander mense en hul menings leer en boonop uitstekende vermaak is - dit alles sonder seks en geweld.
8 uit 10

Voorprent: Horton Hears a Who ->

Koop / Buy Horton Hears a Who …

Flieks
A
B
C
D
E
F
G
H
I
J
K
L
M
N
O
P
Q
R
S
T
U
V
W
X
Y
Z